ತೌಕ್ತೆ ಚಂಡಮಾರುತದಿಂದ ಒಬೆರಾಯ್ ಹೊಟೇಲ್‌ಗೆ ಹಾನಿ…? ಇಲ್ಲಿದೆ ವೈರಲ್‌ ವಿಡಿಯೋ ಹಿಂದಿನ ಅಸಲಿ ಸತ್ಯ

ತೌಕ್ತೆ ಚಂಡಮಾರುತದ ಹಾವಳಿಯ ಪರಿಯನ್ನು ತೋರುವ ಅನೇಕ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ಮುಂಬಯಿಯ ಒಬೆರಾಯ್ ಟ್ರೈಡೆಂಟ್ ಹೊಟೇಲ್ ಬಳಿ ಕಟ್ಟಡದ ಭಾಗವೊಂದು ಪಾರ್ಕಿಂಗ್ ಲಾಟ್ ಮೇಲೆ ಕುಸಿಯುತ್ತಿದೆ ಎನ್ನಲಾದ ವಿಡಿಯೋ ವೈರಲ್ ಆಗಿದೆ. ಮಾಯಾನಗರಿಯ ನಾರಿಮನ್ ಪಾಯಿಂಟ್‌ನಲ್ಲಿರುವ ಈ ಹೊಟೇಲ್‌ನ ಟ್ರೈಡೆಂಟ್‌ ವಿಂಗ್‌ಗೆ ಹಾನಿಯಾಗಿದೆ ಎನ್ನಲಾಗಿದ್ದು ಗಂಟೆಗೆ ಸುಮಾರು 90 ಕಿಮೀ ವೇಗದಲ್ಲಿ ಬೀಸುತ್ತಿದ್ದ ಬಿರುಗಾಳಿ ಹಾಗೂ ಮಳೆಯ ಕಾರಣ ಕಟ್ಟಡಕ್ಕೆ ಹಾನಿಯಾಗಿದೆ ಎಂದು ಹೇಳಲಾಗಿತ್ತು.

ಲಸಿಕೆ ನಿರೀಕ್ಷೆಯಲ್ಲಿದ್ದವರಿಗೆ ಕೇಂದ್ರದಿಂದ ಗುಡ್ ನ್ಯೂಸ್: ಎಲ್ಲರಿಗೂ ವ್ಯಾಕ್ಸಿನ್ ನೀಡಲು ಪ್ಲಾನ್

ಆದರೆ ಈ ವಿಡಿಯೋ ಬಗ್ಗೆ ಹೇಳಲಾದ ಮಾತುಗಳ ಸತ್ಯಾಸತ್ಯತೆಯ ಪರಿಶೀಲನೆ ಮಾಡಿದ ’ದಿಪ್ರಿಂಟ್’, ಈ ವಿಡಿಯೋವನ್ನು ಮಧ್ಯಪೂರ್ವದಲ್ಲಿ ಸೆರೆ ಹಿಡಿಯಲಾಗಿದೆ ಎಂದಿದೆ. ಇಂಥ ಯಾವುದೇ ಹಾನಿಯು ಟ್ರೈಡೆಂಟ್ ಹೊಟೇಲ್ ಬಳಿ ಸಂಭವಿಸಿಲ್ಲ ಎಂದು ಆಲ್ ಇಂಡಿಯಾ ರೇಡಿಯೋದ ಮುಂಬಯಿ ವಿಭಾಗ ಸುದ್ದಿ ಮಾಡಿದೆ.