ಚಲಿಸುತ್ತಿದ್ದ ರೈಲಿನಡಿಗೆ ಸಿಲುಕಿದ್ದ ವೃದ್ಧನನ್ನ ರಕ್ಷಿಸುವ ಮೂಲಕ ರೈಲ್ವೆ ಅಧಿಕಾರಿಯೊಬ್ಬರು ಸಮಯಪ್ರಜ್ಞೆ ಮೆರೆದ ಘಟನೆ ರಾಜಸ್ಥಾನದ ಸವಾಯಿ ಮಾಧೋಪುರ ನಿಲ್ದಾಣದಲ್ಲಿ ನಡೆದಿದೆ. ಸಿನಿಮೀಯ ರೀತಿಯಲ್ಲಿ ವೃದ್ಧನನ್ನ ಕಾಪಾಡುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿಡಿಯೋದ ಆರಂಭದಲ್ಲಿ ರೈಲ್ವೆ ಅಧಿಕಾರಿ ಫ್ಲಾಟ್ಫಾರಂನ ಅಂಚಿನಲ್ಲಿ ನಿಧಾನವಾಗಿ ನಡೆದುಕೊಂಡು ಹೋಗುತ್ತಿರೋದನ್ನ ಕಾಣಬಹುದಾಗಿದೆ. ಈ ವೇಳೆಯಲ್ಲಿ ರೈಲು ಕೂಡ ನಿಧಾನವಾಗಿ ನಿಲ್ದಾಣದಿಂದ ಹೊರಡುತ್ತಿತ್ತು.
ಕೆಲವೇ ಸೆಕೆಂಡ್ಗಳಲ್ಲಿ ವೃದ್ಧ ವ್ಯಕ್ತಿಯನ್ನ ರೈಲು ಎಳೆದುಕೊಂಡು ಬಂದಿದ್ದು ವೇಗವಾಗಿ ಓಡಿ ಬಂದ ರೈಲ್ವೆ ಅಧಿಕಾರಿ ವೃದ್ಧನನ್ನ ರೈಲಿನಿಂದ ಎಳೆದುಕೊಂಡಿದ್ದಾರೆ. ಕೆಲಕಾಲ ನಿಲ್ದಾಣದಲ್ಲೇ ಮಲಗಿದ್ದ ವೃದ್ಧ ಅಲ್ಲಿಂದ ಎದ್ದು ನಡೆದುಕೊಂಡು ಹೋಗಿದ್ದಾರೆ. ಈ ವಿಡಿಯೋದ ತುಣುಕನ್ನ ಟ್ವಿಟರ್ನಲ್ಲಿ ಕೇಂದ್ರ ಸಚಿವ ಪಿಯೂಷ್ ಗೋಯೆಲ್ ಶೇರ್ ಮಾಡಿದ್ದಾರೆ. ಕರ್ತವ್ಯನಿಷ್ಠೆ ಮೆರೆಯುತ್ತಿರುವ ಭದ್ರತಾ ಸಿಬ್ಬಂದಿಯ ಸೇವೆಯ ಬಗ್ಗೆ ನಮಗೆ ಹೆಮ್ಮೆ ಎನಿಸುತ್ತಿದೆ ಎಂದು ಬರೆದುಕೊಂಡಿದ್ದಾರೆ.
Loading ...