ಆರ್ಥಿಕ ಸಂಕಷ್ಟವನ್ನ ಅನುಭವಿಸುತ್ತಿರುವ ಕುಟುಂಬದಲ್ಲಿ ಜನಿಸಿದ ಮಕ್ಕಳಿಗೆ ನೆರವಾಗಲೆಂದು ಎಸ್ಡಿಎಂಸಿ (ದಕ್ಷಿಣ ದೆಹಲಿ ಮುನ್ಸಿಪಲ್ ಕಾರ್ಪೋರೇಷನ್) ರಾಷ್ಟ್ರ ರಾಜಧಾನಿಯ ನಜಾಫ್ಗರ್ ಪ್ರದೇಶದಲ್ಲಿ ಆಟಿಕೆ ಬ್ಯಾಂಕ್ ಒಂದನ್ನ ಉದ್ಘಾಟಿಸಿದೆ.
ಬಡತನದಿಂದಾಗಿ ಆಟಿಕೆ ಸಾಮಗ್ರಿಯನ್ನೂ ಕೊಳ್ಳಲಾಗದ ಮಕ್ಕಳಿಗೆ ಆಟಿಕೆಗಳನ್ನ ಪೂರೈಸುವ ಗುರಿಯನ್ನ ಈ ಬ್ಯಾಂಕ್ ಹೊಂದಿದೆ.
ಸ್ವಚ್ ಸವೇಕ್ಷನ್ 2021 ದೃಷ್ಟಿಯಿಂದ ಈ ಬ್ಯಾಂಕ್ನ್ನ ತೆರೆಯಲಾಗಿದೆ. ಈ ಆಟಿಕೆ ಬ್ಯಾಂಕ್ನ್ನ ದಕ್ಷಿಣ ದೆಹಲಿ ಮೇಯರ್ ಅನಾಮಿಕಾ ಮಿಹಿಲೇಶ್ ಸಿಂಗ್ ಉದ್ಘಾಟನೆ ಮಾಡಿದ್ರು.
ಜನರು ತಮ್ಮ ಮಕ್ಕಳು ಬಳಕೆ ಮಾಡದ ಆಟಿಕೆಗಳನ್ನ ಬಿಸಾಡುವ ಬದಲು ಇಲ್ಲಿ ದೇಣಿಗೆ ರೂಪದಲ್ಲಿ ನೀಡಬಹುದಾಗಿದೆ.
ಇನ್ನು ಈ ವಿಚಾರವಾಗಿ ಮಾತನಾಡಿದ ದಕ್ಷಿಣ ದೆಹಲಿ ಮೇಯರ್ ಅನಾಮಿಕಾ ಮಿಹಿಲೇಶ್ ಸಿಂಗ್, ಆಟಿಕೆಗಳನ್ನ ಖರೀದಿಸಲು ಸಾಧ್ಯವಾಗದ ಮಕ್ಕಳು ಈ ಸ್ಥಳಕ್ಕೆ ಬಂದು ಆಟವಾಡಬಹುದು ಹಾಗೂ ಆಟಿಕೆಗಳನ್ನ ಕೊಂಡೊಯ್ಯಬಹುದು ಎಂದು ಹೇಳಿದ್ದಾರೆ.
Loading ...