ಪೊಲೀಸರು ಯಾರನ್ನಾದರೂ ಅಡ್ಡ ಹಾಕ್ತಾರೆ ಅಂದರೆ ಅದೇನು ಅಂತಾ ಒಳ್ಳೆಯ ವಿಚಾರವಂತೂ ಅಲ್ಲ. ಆದರೆ ಬೈಕರ್ ಒಬ್ಬ ಪೊಲೀಸ್ ತನ್ನ ಅಡ್ಡ ಹಾಕಿದ ಕತೆಯನ್ನ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದು ನೆಟ್ಟಿಗರ ಮನ ತುಂಬಿ ಬಂದಿದೆ.
ಯುಟ್ಯೂಬ್ನಲ್ಲಿ ಆನ್ನಿ ಅರುಣ್ ಎಂಬ ಚಾನೆಲ್ ಹೊಂದಿರುವ ವ್ಯಕ್ತಿಯೊಬ್ಬರು ಪಾಂಡಿಚೆರಿಯಿಂದ ತೆಂಕಸಿಗೆ ಬೈಕ್ನಲ್ಲಿ ಪ್ರಯಾಣ ಬೆಳೆಸಿದ್ದರು. ಈ ವೇಳೆ ಮಾರ್ಗ ಮಧ್ಯದಲ್ಲಿ ಪೊಲೀಸ್ ಇವರ ಬೈಕ್ನ್ನು ಅಡ್ಡಗಟ್ಟಿದ್ದಾರೆ.
ವಿಡಿಯೋದಲ್ಲಿ ಪೊಲೀಸ್ ಅಧಿಕಾರಿ ಮೊದಲು ನೀವು ಕರ್ನಾಟಕದವರೇ..? ಎಂದು ಬೈಕರ್ ಬಳಿ ಪ್ರಶ್ನೆ ಮಾಡುತ್ತಾರೆ. ಇದಕ್ಕೆ ಬೈಕರ್ ಹೌದು ಎಂದು ಉತ್ತರ ನೀಡುತ್ತಿದ್ದಂತೆಯೇ ಇದೇ ರಸ್ತೆಯಲ್ಲಿ ಮುಂದೆ ಹೋಗುತ್ತಿರುವ ಬಸ್ನಲ್ಲಿ ವೃದ್ಧ ಮಹಿಳೆಯೊಬ್ಬರು ಪ್ರಯಾಣಿಸುತ್ತಿದ್ದು ಅವರು ತಮ್ಮ ಔಷಧಿ ಬಾಟಲಿಯನ್ನ ಮರೆತಿದ್ದಾರೆ. ಹೀಗಾಗಿ ತಾವು ದಯಮಾಡಿ ಬಸ್ನ್ನು ಚೇಸ್ ಮಾಡಿ ಈ ಔಷಧಿ ಬಾಟಲಿಯನ್ನ ಬಸ್ನಲ್ಲಿರುವ ಮಹಿಳೆಗೆ ಹಸ್ತಾಂತರಿಸಿ ಎಂದು ಹೇಳುತ್ತಾರೆ.
ಪೊಲೀಸರ ಮಾತಿನಂತೆ ಬಸ್ನ್ನು ಚೇಸ್ ಮಾಡಿದ ಬೈಕರ್, ಬಸ್ನ್ನು ನಿಲ್ಲಿಸುವಂತೆ ಹೇಳಿ ವೃದ್ಧೆಗೆ ಔಷಧಿಯನ್ನ ಹಸ್ತಾಂತರಿಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸದ್ದು ಮಾಡ್ತಿದೆ.
Loading ...