ಸಚಿವೆ ಸ್ಮೃತಿ ಇರಾನಿಗೆ ಪ್ರತಿದಿನವೂ ಪತಿಯಿಂದ ಹೂವು…!

ಕೋವಿಡ್ ಪಾಸಿಟಿವ್ ಕಾರಣದಿಂದ ಸಚಿವೆ ಸ್ಮೃತಿ ಇರಾನಿ ತಮ್ಮ‌ಕುಟುಂಬದಿಂದ ದೂರವಿದ್ದು, ಕ್ವಾರಂಟೈನ್‌‌ಗೆ ಒಳಗಾಗಿದ್ದಾರೆ.

ಈ ವೇಳೆ ಅವರು ಇನ್‌ಸ್ಟಾಗ್ರಾಂನಲ್ಲಿ ಮಾಡಿರುವ ಪೋಸ್ಟ್ ಎಲ್ಲರ ಗಮನ ಸೆಳೆಯುತ್ತಿದೆ. ಅವರ ಪತಿ ಜುಬಿನ್ ಇರಾನಿ ಪ್ರತಿ ದಿನ ಹೂವು ಕಳುಹಿಸಿಕೊಡುತ್ತಿದ್ದಾರೆ. ಪತಿ ಕಳುಹಿಸಿದ ಹೂವುಗಳ ಚಿತ್ರವನ್ನು ಸ್ಮೃತಿ ಪೋಸ್ಟ್ ಮಾಡಿದ್ದಾರೆ.

ಸ್ಮೃತಿ ಇರಾನಿಯವರಿಗೆ ಕಳೆದ ವಾರ ಕೊರೋನ ವೈರಸ್ ಪಾಸಿಟಿವ್ ಕಾಣಿಸಿಕೊಂಡಿತ್ತು. ಜಾಲತಾಣದಲ್ಲಿ ಸದಾ ಲವಲವಿಕೆಯಾಗಿ ಕಾಣಿಸುವ ಸಚಿವರು ತಮಗೆ ಕೋವಿಡ್ ಬಂದಿರುವ ವಿಚಾರವನ್ನೂ ಹಂಚಿಕೊಂಡಿದ್ದರು.

ಪತಿ ಕಳಿಸಿದ ಹೂವಿನೊಂದಿಗೆ ತಮ್ಮ‌ ಪತಿಗೆ ಧನ್ಯವಾದ ಅರ್ಪಿಸಿರುವ ಸಚಿವೆ, ಅಮಿತಾಬ್ ನಟಿಸಿರುವ ಮೊಹಾಬತ್ತೇನ್ ಚಿತ್ರದ ಸಾಲುಗಳನ್ನು ಬಳಸಿದ್ದಾರೆ.