ಸೀರಿಯಲ್ ಕಿಲ್ಲರ್ ಹೇಳಿದ ಕಾರಣ ಕೇಳಿ ಬೆಚ್ಚಿಬಿದ್ದ ಪೊಲೀಸರು…!

ಗುರುಗ್ರಾಮದಲ್ಲಿ ಸತತ ಮೂರು ರಾತ್ರಿಗಳಲ್ಲಿ ಮೂವರನ್ನ ಕೊಲೆ ಮಾಡಿದ ಆರೋಪದಡಿಯಲ್ಲಿ 22 ವರ್ಷದ ಯುವಕನನ್ನ ಬಂಧಿಸಲಾಗಿದೆ. ಆರೋಪಿಯನ್ನ ಬಿಹಾರದ ನಿವಾಸಿ ಮೊಹಮ್ಮದ್​ ರಾಜಿ ಎಂದು ಗುರುತಿಸಲಾಗಿದೆ.

ನವೆಂಬರ್​ 23, 24 ಹಾಗೂ 25ರಂದು ತಾನು ಮೂವರನ್ನ ಕೊಂದಿದ್ದೇನೆ ಅಂತಾ ರಾಜಿ ಪೊಲೀಸರೆದುರು ತಪ್ಪೊಪ್ಪಿಕೊಂಡಿದ್ದಾನೆ. ಬಾಲ್ಯದಿಂದಲೂ ಎಲ್ಲರೂ ನನ್ನನ್ನ ನಿಷ್ಪ್ರಯೋಜಕ ಎಂದು ಕರೆಯುತ್ತಿದ್ದರು. ಹೀಗಾಗಿ ತಾನು ಮನಸ್ಸು ಮಾಡಿದ್ರೆ ಏನ್​ ಬೇಕಿದ್ದರೂ ಮಾಡಬಲ್ಲೆ ಅನ್ನೋದನ್ನ ಜಗತ್ತಿಗೆ ತೋರಿಸುವ ಸಲುವಾಗಿ ಅಪರಿಚಿತರನ್ನ ಕೊಲೆ ಮಾಡಿದ್ದೇನೆ ಎಂದು ಪೊಲೀಸರ ಎದುರು ಹೇಳಿಕೊಂಡಿದ್ದಾನೆ.

ಪೊಲೀಸರು ನೀಡಿರುವ ಮಾಹಿತಿ ಪ್ರಕಾರ ಈತ ಮೊದಲು ಅಪರಿಚಿತರಿಗೆ ಚೆನ್ನಾಗಿ ಮದ್ಯಪಾನ ಮಾಡಿಸಿ ಬಳಿಕ ಇರಿದಿದ್ದಾನೆ ಎಂದು ಹೇಳಿದ್ದಾರೆ.

ನವೆಂಬರ್​ 23ರ ರಾತ್ರಿ ಗುರುಗ್ರಾಮದ ಲೀಜರ್​ ವ್ಯಾಲಿ ಪಾರ್ಕ್​ನಲ್ಲಿ ವ್ಯಕ್ತಿಯನ್ನ ಇರಿದು ಕೊಲೆ ಹಾಗೂ ಮಾರನೇ ದಿನ ರಾತ್ರಿ ಸೆಕ್ಟರ್​ 40ರಲ್ಲಿ ಭದ್ರತಾ ಸಿಬ್ಬಂದಿ ಹತ್ಯೆ ಮತ್ತು ನವೆಂಬರ್​ 25ರಂದು 26 ವರ್ಷದ ರಾಕೇಶ್​ ಕುಮಾರ್​ ಎಂಬವರನ್ನ ಇರಿದು ಕೊಂದಿದ್ದಾನೆ ಎನ್ನಲಾಗಿದೆ.