ಮುಂಬೈನ ಕರಾಚಿ ಸ್ವೀಟ್ಸ್ ಶಾಪ್ನ ಹೆಸರು ಬದಲಾಯಿಸುವಂತೆ ಶಿವಸೇನೆ ನಾಯಕ ನಿತಿನ್ ಮಧುಕರ್ ನಂದಗಾಂವ್ಕರ್ ಒತ್ತಾಯಿಸಿದ್ದು ವಿಡಿಯೋ ವೈರಲ್ ಆಗಿದೆ. ಕರಾಚಿ ಹೆಸರು ಪಾಕಿಸ್ತಾನಕ್ಕೆ ಸಂಬಂಧಿಸಿದ್ದಾಗಿದೆ. ಮರಾಠಿಗೆ ಸಂಬಂಧಿಸಿದ ಯಾವುದಾದರೂ ಹೆಸರನ್ನ ಇಡುವಂತೆ ಶಿವಸೇನೆ ನಾಯಕ ವಿಡಿಯೋದಲ್ಲಿ ಒತ್ತಾಯಿಸುತ್ತಿದ್ದಾರೆ.
ಪಾಕಿಸ್ತಾನ ಮತ್ತು ಭಯೋತ್ಪಾದಕರ ನಡುವೆ ಒಡನಾಟ ಹೊಂದಿರುವ ಈ ಹೆಸರನ್ನ ಬದಲಾಯಿಸಿ ಅಂತಾ ನಿತಿನ್ ಹೇಳಿದ್ದಾರೆ. ಇದಕ್ಕೆ ಉತ್ತರ ನೀಡಿದ ಕರಾಚಿ ಸ್ವೀಟ್ ಶಾಪ್ ಮಾಲೀಕ ತಾವು ಕರಾಚಿ ಮೂಲದವರೆಂದೂ ಪೂರ್ವಜರ ನೆನಪಿಗಾಗಿ ಈ ಹೆಸರು ಇಟ್ಟಿದ್ದಾಗಿ ಹೇಳಿದ್ದಾರೆ. ಆದರೆ ಅಂಗಡಿ ಮಾಲೀಕನ ಯಾವುದೇ ಸಮರ್ಥನೆಗೆ ಮಣಿಯದ ಶಿವಸೇನೆ ಮುಖಂಡ ಮರಾಠಿಯಲ್ಲೇ ಯಾವುದಾದರೊಂದು ಹೆಸರಿಡುವಂತೆ ಒತ್ತಾಯಿಸಿದ್ದಾರೆ.
ಅಂಗಡಿ ಮರುನಾಮಕರಣ ಮಾಡಲು ಯಾವುದೇ ಕೆಲಸಕ್ಕೆ ನಾನು ಸಹಾಯ ಮಾಡುತ್ತೇನೆ. ಆದರೆ 15 ದಿನಗಳಲ್ಲಿ ಈ ಹೆಸರು ಬದಲಾಗಬೇಕು ಎಂದು ನಂದಗಾಂವ್ಕರ್ ವಿಡಿಯೋದಲ್ಲಿ ಹೇಳಿದ್ದಾರೆ. ಸದ್ಯ ಅಂಗಡಿ ಮಾಲೀಕರು ನಾಮಫಲಕವನ್ನ ಕಾಗದದಿಂದ ಮುಚ್ಚಿದ್ದಾರೆ.
Loading ...