ಸಿಂಹದ ಮರಿಗೆ ಬಾಟಲಿಯಲ್ಲಿ ಹಾಲುಣಿಸಿದ ಚಿಂಪಾಂಜಿ…!

ಇದೊಂದು ನಿಸ್ವಾರ್ಥ ಪ್ರೀತಿಯ ಪ್ರಕರಣ. ತಾಯಿ ಚಿಂಪಾಂಜಿಯೊಂದು ಸಿಂಹದ ಮರಿಗೆ ಬಾಟಲಿಯಲ್ಲಿ ಹಾಲುಣಿಸುವ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರ ಹೃದಯವನ್ನು ಬೆಚ್ಚಗಾಗಿಸಿದೆ.

ಐಎಫ್ಎಸ್ ಅಧಿಕಾರಿ ಸುಶಾಂತ್ ನಂದ ಅವರು ಈ ವಿಡಿಯೋವನ್ನು ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಕಾಣುವಂತೆ ಸಿಂಹದ ಮರಿ ಹಾಲು ಕುಡಿಯುವಾಗ ತಾಯಿ ಚಿಂಪಾಂಜಿ ಹಾಲಿನ ಬಾಟಲಿಯನ್ನು ಹಿಡಿದಿರುತ್ತದೆ. ಜೊತೆಗೆ ಸಿಂಹದ ಮರಿಯ ಹಣೆಗೆ ಮುತ್ತಿಡುತ್ತದೆ.

ತಾಯಿಯೊಬ್ಬಳು ಮಗುವಿಗೆ ಆರೈಕೆ ಮಾಡುವಂತೆ ಈ ವಿಡಿಯೋ ಭಾಸವಾಗುತ್ತದೆ ಈವರೆಗೆ ಒಂದು ಲಕ್ಷಕ್ಕೂ ಅಧಿಕ ಮಂದಿ ಇದನ್ನು ವೀಕ್ಷಿಸಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.