ದೇಶದಲ್ಲಿ ದಿನದಿಂದ ದಿನಕ್ಕೆ ಪೆಟ್ರೋಲ್ – ಡಿಸೇಲ್ ಬೆಲೆ ಏರಿಕೆ ಕಾಣುತ್ತಿದೆ. ಪಂಜಾಬ್ನಲ್ಲಿ ಪೆಟ್ರೋಲಿಯಂ ಉತ್ಪನ್ನಗಳ ಮೇಲಿನ ರಾಜ್ಯ ತೆರಿಗೆಯನ್ನ ಕಡಿಮೆ ಮಾಡುವಂತೆ ಸರ್ಕಾರದ ಮುಂದೆ ಇಡಲಾಗಿದ್ದ ಬೇಡಿಕೆಯನ್ನ ನಿರಾಕರಿಸಿದ ಕಾರಣ ಶರಣ್ಜೀತ್ ಸಿಂಗ್ ಧಿಲ್ಲೋನ್ ಹಾಗೂ ಬಿಕ್ರಂ ಸಿಂಗ್ ಮಜಿಥಿಯಾ ನೇತೃತ್ವದ ಶಿರೋಮಣಿ ಅಕಾಲಿ ದಳದ ಶಾಸಕರು ಇಂದು ಬೆಳಗ್ಗೆ ಸದನಕ್ಕೆ ಎತ್ತಿನ ಗಾಡಿಯ ಮೇಲೆ ಬಂದಿದ್ದಾರೆ.
ಪೆಟ್ರೋಲಿಯಂ ಉತ್ಪನ್ನಗಳ ಮೇಲಿನ ರಾಜ್ಯ ತೆರಿಗೆಯನ್ನ ಕಡಿಮೆ ಮಾಡುವ ಮೂಲಕ ಪ್ರತಿಲೀಟರ್ ಪೆಟ್ರೋಲ್ ಬೆಲೆಯಲ್ಲಿ ಕನಿಷ್ಟ 5 ರೂಪಾಯಿ ಕಡಿಮೆ ಮಾಡುವಂತೆ ಸರ್ಕಾರದ ಮುಂದೆ ಬೇಡಿಕೆ ಇಡಲಾಗಿತ್ತು.
ಎತ್ತಿನ ಗಾಡಿಯ ಮೇಲೆ ಬಂದ ಎಸ್ಎಡಿ ಶಾಸಕರು ಜನರನ್ನ ಲೂಟಿ ಮಾಡೋದನ್ನ ನಿಲ್ಲಿಸಿ, ವ್ಯಾಟ್ನ್ನು ಕಡಿಮೆ ಮಾಡಿ ಎಂದು ಘೋಷಣೆ ಕೂಗಿದ್ದಾರೆ. ಅಲ್ಲದೇ ಪಂಜಾಬ್ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ಸುನಿಲ್ ಜಾಖರ್ ಮೇಲೆ ಆಕ್ರೋಶ ಹೊರಹಾಕಿದ ಎಸ್ಎಡಿ ಶಾಸಕರು, ತೈಲದ ಮೇಲೆ ವಿಧಿಸಲಾಗುವ ವ್ಯಾಟ್ ಕಡಿಮೆ ಮಾಡಲು ನಿರಾಕರಿಸುವ ಮೂಲಕ ಸುನೀಲ್ ನೇತೃತ್ವದ ಕಾಂಗ್ರೆಸ್ ಪಕ್ಷ ಜನರನ್ನ ಮೂರ್ಖರನ್ನಾಗಿ ಮಾಡ್ತಿದೆ ಎಂಧು ಹೇಳಿದ್ರು.
ಎಸ್ಎಡಿ ಶಾಸಕಾಂಗ ವಿಭಾಗದ ನಾಯಕ ಶರಣ್ಜೀತ್ ಸಿಂಗ್ ಧಿಲ್ಲೋನ್, ಶೂನ್ಯ ಅವಧಿ ವೇಳೆ ಸರ್ಕಾರದ ಮುಂದೆ ಪೆಟ್ರೋಲ್ ಹಾಗೂ ಡೀಸೆಲ್ಗಳ ಮೇಲಿನ ವ್ಯಾಟ್ ದರ ಕಡಿಮೆ ಮಾಡುವಂತೆ ಬೇಡಿಕೆ ಇಟ್ಟಿದ್ದರು. ಆದರೆ ಇದಕ್ಕೆ ಸರ್ಕಾರ ಒಪ್ಪದ ಕಾರಣ ಎಸ್ಎಡಿ ಶಾಸಕರು ಈ ರೀತಿ ಆಕ್ರೋಶ ಹೊರಹಾಕಿದ್ದಾರೆ.
ಪೆಟ್ರೋಲ್ ದರವನ್ನ ಕಡಿಮೆ ಮಾಡುವ ಬಗ್ಗೆ ಕೇಂದ್ರ ಸರ್ಕಾರದೊಂದಿಗೆ ಮಾತನಾಡಲು ರಾಜ್ಯ ಸರ್ಕಾರದೊಂದಿಗೆ ಕೈಜೋಡಿಸಲು ಸಿದ್ಧರಿದ್ದೇವೆ. ನಾವು ಈ ವಿಚಾರವಾಗಿ ದೆಹಲಿಯಲ್ಲೂ ಪ್ರತಿಭಟನೆ ನಡೆಸಲು ತಯಾರಿದ್ದೇವೆ. ಆದರೆ ಇದಕ್ಕೂ ಮೊದಲು ರೈತರು ಹಾಗೂ ಶ್ರೀಸಾಮಾನ್ಯನ ಹಿತದೃಷ್ಟಿಯಿಂದ ರಾಜ್ಯ ಸರ್ಕಾರ ವ್ಯಾಟ್ ದರ ಕಡಿಮೆ ಮಾಡಲಿ ಎಂದು ಆಗ್ರಹಿಸಿದ್ರು.
Loading ...