ಪ್ರವಾಹಪೀಡಿತ ರಸ್ತೆಯಲ್ಲಿ ಮ್ಯಾಟ್ರೆಸ್‌ ಮೇಲೆ ತೇಲಿದ ಯುವಕರು

ಮಾಯಾನಗರಿ ಮುಂಬೈಯಲ್ಲಿ ಕಳೆದ ಕೆಲ ದಿನಗಳಿಂದ ಸುರಿಯುತ್ತಿರುವ ಭಾರೀ ಮಳೆಯ ಕಾರಣ ನಗರದ ಅನೇಕ ಪ್ರದೇಶಗಳಲ್ಲಿ ನೀರು ತುಂಬಿಕೊಂಡಿದೆ. ಇದರಿಂದ ಸಾರಿಗೆ ಸೇವೆಗಳೂ ಸಹ ಸ್ಥಗಿತಗೊಂಡಿವೆ.

ಭಾರೀ ವರ್ಷಧಾರೆಯ ಅನೇಕ ಚಿತ್ರಗಳು ಹಾಗೂ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿಯಲ್ಲಿವೆ. ಇವುಗಳ ಪೈಕಿ ಒಂದು ವಿಡಿಯೋನಲ್ಲಿ ಕರ್ಜೂರದ ಮರವೊಂದು ಬಹಳ ಅಪಾಯಕಾರಿಯಾಗಿ ನೇತಾಡುತ್ತಿರುವುದೂ ಒಂದು.

ಇದೀಗ ಮತ್ತೊಂದು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿಯಲ್ಲಿದ್ದು, ಇಬ್ಬರು ವ್ಯಕ್ತಿಗಳು ಮ್ಯಾಟ್ರೆಸ್‌ ಒಂದರ ಮೇಲೆ ಏರಿ, ಪ್ರವಾಹಪೀಡಿತ ರಸ್ತೆ ಮೇಲೆಲ್ಲಾ ತೇಲಾಡುತ್ತಿರುವ ವಿನೋದದ ಪ್ರಸಹನವೊಂದು ವೈರಲ್ ಆಗಿದೆ.