2020ರಲ್ಲಿ ಅತಿ ಹೆಚ್ಚು ವೈರಲ್​ ಆದ ವಿಡಿಯೋಗಳು ಯಾವುವು ಗೊತ್ತಾ…?

ಜಾಗತಿಕ ಸಾಂಕ್ರಾಮಿಕದ ನಡುವೆಯೇ ಈ ಬಾರಿ ಜನರು ಅತಿ ಹೆಚ್ಚು ಸಾಮಾಜಿಕ ಮಾಧ್ಯಮಕ್ಕೆ ಅವಲಂಬಿತರಾಗಿದ್ದಂತೂ ನಿಜ. ಹಾಗಾದ್ರೆ ಈ ವರ್ಷ ಅತೀ ಹೆಚ್ಚು ಮನರಂಜನೆ ನೀಡಿದ ವೈರಲ್​ ವಿಡಿಯೋಗಳು ಯಾವುದು ಎಂಬುದನ್ನ ನೋಡೊಣ.

ಗೋ ಕೊರೊನಾ ಗೋ : ಮಾರ್ಚ್​ ತಿಂಗಳಲ್ಲಿ ಕೇಂದ್ರ ಸಚಿವ ರಾಮದಾಸ್ ಅಥಾವಳೆ ಗೋ ಕೊರೊನಾ ಗೋ ಎಂಬ ಪದವನ್ನ ಮಂತ್ರದ ರೀತಿಯಲ್ಲಿ ಪಠಿಸಿದ್ದರು. ಈ ವಿಡಿಯೋ ಈ ವರ್ಷ ಸಾಮಾಜಿಕ ಜಾಲತಾಣದಲ್ಲಿ ಅತೀ ಹೆಚ್ಚು ವೈರಲ್​ ಆದ ವಿಡಿಯೋವಾಗಿದೆ.

ರಸೋಡೇ ಮೇ ಕೌನ್​ ಥಾ : ಸಂಗೀತ ನಿರ್ದೇಶಕ ಯಶ್​ರಾಜ್​ ಮುಖಾಟೆ ಎಂಬವರು ಸಾಥ್​ ನಿಭಾನಾ ಸಾಥಿಯಾ ಎಂಬ ಧಾರವಾಹಿಯ ದೃಶ್ಯವನ್ನ ಬಳಸಿಕೊಂಡು ಸಂಗೀತ ರಚಿಸುವ ಮೂಲಕ ರಾತ್ರಿ ಬೆಳಗಾಗೋದ್ರಲ್ಲಿ ಫೇಮಸ್ ಆಗಿದ್ದರು.

ಫಿಲಿಫೈನ್ಸ್​ನ ಖಾಸಗಿ ವಾಹಿನಿಯ ಸಂದರ್ಶನವೊಂದರಲ್ಲಿ ಪತ್ರಕರ್ತೆ ಡೋರಿಸ್​ ಬಿಗೋರಿನಿಯಾ ಭಾಗಿಯಾಗಿದ್ದ ವೇಳೆ 2 ಬೆಕ್ಕುಗಳು ಹೊಡೆದಾಡಿಕೊಂಡ ದೃಶ್ಯವೂ ಸೆರೆಯಾಗಿತ್ತು. ಈ ವಿಡಿಯೋ ಕೂಡ ಇಂಟರ್ನೆಟ್​ನಲ್ಲಿ ಹಲ್​ಚಲ್​ ಎಬ್ಬಿಸಿತ್ತು.

ಇನ್ನುಳಿದಂತೆ ಲಾಕ್​ಡೌನ್​ ಸಂದರ್ಭದಲ್ಲಿ ಪೊಲೀಸರು ನೀಡಿದ ಶಿಕ್ಷೆಗಳ ವಿಡಿಯೋ, ಕಾಕು ಎಂಬ ಮನೆಗೆಲಸದಾಕೆ ತನ್ನ ಸಂಬಳಕ್ಕಾಗಿ ಜಗಳವಾಡಿದ್ದು ಸೇರಿದಂತೆ ಸಾಕಷ್ಟು ವಿಡಿಯೋಗಳು ವೈರಲ್​ ಆಗಿವೆ.