ಬಾಲಿವುಡ್ ನಟ ರಣವೀರ್ ಸಿಂಗ್ ತಮ್ಮ ವಿಭಿನ್ನ ಉಡುಗೆ ಶೈಲಿಯ ಮೂಲಕವೇ ಸದಾ ಸೋಶಿಯಲ್ ಮೀಡಿಯಾದಲ್ಲಿ ಸುದ್ದಿ ಮಾಡ್ತಾನೇ ಇರ್ತಾರೆ. ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಆಗುತ್ತಿರುವ ರಣವೀರ್ರ ಫೋಟೋವೊಂದರಲ್ಲಿ ಅವರು ಹೀಲ್ಡ್ ಶೂಸ್ ಧರಿಸಿದ್ದು ಟ್ರೋಲಿಗರ ಬಾಯಿಗೆ ಆಹಾರವಾಗಿದ್ದಾರೆ.
ಸಮಾಜದಲ್ಲಿ ತೃತೀಯ ಲಿಂಗಿಗಳಿಗೆ ಈಗಲೂ ಒಳ್ಳೆಯ ಸ್ಥಾನಮಾನಗಳಿಲ್ಲ. ಈಗಲೂ ಅವರನ್ನ ಸಮಾಜ ಬೇರೊಂದು ದೃಷ್ಟಿಯಲ್ಲೇ ನೋಡುತ್ತಿದೆ. ಈ ಮಾತಿಗೆ ಸಾಕ್ಷಿಯೆಂಬಂತೆ ರಣವೀರ್ ಹೀಲ್ಡ್ ಧರಿಸಿದ ಫೋಟೋವನ್ನ ಶೇರ್ ಮಾಡುತ್ತಿದ್ದಂತೆಯೇ ನೆಟ್ಟಿಗರು ಕಮೆಂಟ್ ಬಾಕ್ಸಿನಲ್ಲಿ ವ್ಯಂಗ್ಯದ ಸುರಿಮಳೆಯನ್ನೇ ಹರಿಸಿದ್ರು. ಅಲ್ಲದೇ ಸಾಮಾಜಿಕ ಜಾಲತಾಣದಲ್ಲಿ ವಿವಿಧ ವೇದಿಕೆಗಳಲ್ಲಿ ಈ ಫೋಟೋಗಳನ್ನ ಟ್ರೋಲ್ ಮಾಡಲಾಗಿದೆ.
ಟ್ವಿಟರ್ನಲ್ಲಿ ಅರ್ಧ ಫೋಟೊವನ್ನ ಮಾತ್ರ ಶೇರ್ ಮಾಡಿ ಈ ಸೆಲೆಬ್ರಿಟಿ ಯಾರೆಂದು ಊಹಿಸಿ ಎಂದು ಹೇಳಲಾಗಿತ್ತು. ಹೈ ಹೀಲ್ಡ್ನ್ನು ಕಂಡ ಅನೇಕರು ಇದು ಸೋನಾಕ್ಷಿ ಸಿನ್ಹಾ, ಪ್ರಿಯಾಂಕಾ ಚೋಪ್ರಾ, ಶ್ರದ್ಧಾ ಕಪೂರ್ ಎಂದೆಲ್ಲ ಗೆಸ್ ಮಾಡಿದ್ದರು. ಆದರೆ ಇದಾದ ಬಳಿಕ ನೆಟ್ಟಿಗರೊಬ್ಬರು ರಣವೀರ್ರ ಈ ಪೂರ್ತಿ ಫೋಟೋವನ್ನ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು ಈ ಬಳಿಕ ಸಖತ್ ಟ್ರೋಲ್ ಆಗಿದೆ.
Loading ...