ರಾಜ್ಯಸಭೆಯ 11 ಸ್ಥಾನಗಳ ಚುನಾವಣೆಗೆ ದಿನಾಂಕ ಫಿಕ್ಸ್

ರಾಜ್ಯಸಭೆಯಲ್ಲಿ ಸದ್ಯ ಖಾಲಿ ಇರುವ 11 ಸ್ಥಾನಗಳಿಗೆ ಚುನಾವಣೆ ನಡೆಸಲು ನಿರ್ಧರಿಸಿರುವ ಕೇಂದ್ರ ಚುನಾವಣಾ ಆಯೋಗ ದಿನಾಂಕ ಪ್ರಕಟಿಸಿದೆ. ಉತ್ತರ ಪ್ರದೇಶದ 10 ಸ್ಥಾನ ಹಾಗೂ ಉತ್ತರಾಖಂಡ್​​ನಲ್ಲಿ ಖಾಲಿ ಇರುವ 1 ಸ್ಥಾನಕ್ಕೆ ನವೆಂಬರ್​ 9ರಂದು ಚುನಾವಣೆ ನಡೆಯಲಿದೆ. ಹಾಗೂ ಮತ ಎಣಿಕೆ ಕಾರ್ಯ ಕೂಡ ಅಂದೇ ನಡೆಯಲಿದೆ.

ರಾಜ್ಯ ಸಭೆಯ ಸದಸ್ಯರಾಗಿರುವ ಕೇಂದ್ರ ಸಚಿವ ಹರ್​ದೀಪ್ ಸಿಂಗ್ ಪುರಿ, ಸಮಾಜವಾದಿ ಪಕ್ಷದ ನಾಯಕ ರಾಮ್​ ಗೋಪಾಲ್​ ಯಾದವ್​, ಬಿಎಸ್​ಪಿಯ ಬೀರ್​ ಸಿಂಗ್​, ಕಾಂಗ್ರೆಸ್​ನ ರಾಜ್​ ಬಬ್ಬರ್​ ಸೇರಿದಂತೆ ಒಟ್ಟು 11 ಮಂದಿಯ ಅಧಿಕಾರಾವಧಿ ನವೆಂಬರ್​ನಲ್ಲಿ ಅಂತ್ಯಗೊಳ್ಳಲಿದೆ.

ಚುನಾವಣೆ ನಡೆಯಲಿರುವ ಸ್ಥಳಗಳಲ್ಲಿ ಸಾಮಾಜಿಕ ಅಂತರ ಕಾಪಾಡುವುದು, ಥರ್ಮಲ್​ ಸ್ಕ್ರೀನಿಂಗ್​ ಹಾಗೂ ಮಾಸ್ಕ್​ ಬಳಕೆ ಸೇರಿದಂತೆ ಕರೊನಾ ನಿಯಂತ್ರಣದ ಎಲ್ಲಾ ಮುಂಜಾಗ್ರತ ಕ್ರಮಗಳನ್ನ ಕೈಗೊಳ್ಳಲಾಗುತ್ತೆ ಅಂತಾ ಚುನಾವಣಾ ಆಯೋಗ ಮಾಹಿತಿ ನೀಡಿದೆ.