ದ್ರಾವಿಡ ಸಂಸ್ಕೃತಿಯನ್ನ ಪ್ರತಿಪಾದಿಸುವ ದಕ್ಷಿಣ ರಾಜ್ಯಗಳಲ್ಲಿ ಸೂಪರ್ ಸ್ಟಾರ್ ರಜನಿಕಾಂತ್ ರಾಜಕೀಯವಾಗಿ ಯಶಸನ್ನ ಹೊಂದಲ್ಲ ಅಂತಾ ಕಾಂಗ್ರೆಸ್ ಹಿರಿಯ ಮುಖಂಡ ವೀರಪ್ಪ ಮೊಯ್ಲಿ ಅಭಿಪ್ರಾಯ ಪಟ್ಟಿದ್ದಾರೆ.
ಅಲ್ಲದೇ ಕಾಂಗ್ರೆಸ್ ಕೂಡ ತಮಿಳುನಾಡಿನಲ್ಲಿ ಸ್ವತಂತ್ರ್ಯ ಅಸ್ಥಿತ್ವ ಪಡೆಯಲು ಸಾಧ್ಯವಿಲ್ಲ. ಹೀಗಾಗಿ ಎಂದಿನಂತೆ ಎಐಎಡಿಎಂಕೆ ಇಲ್ಲವೇ ಡಿಎಂಕೆ ಜೊತೆ ಹೊಂದಾಣಿಕೆ ಮಾಡಿಕೊಳುತ್ತೆ ಅಂತಾನೂ ಪುನರುಚ್ಚರಿಸಿದ್ರು.
ರಜನಿಕಾಂತ್ ರಾಜಕೀಯದಲ್ಲಿ ಕ್ಲಿಕ್ ಆಗ್ತಾರೆ ಎಂದು ನನಗನಿಸೋದಿಲ್ಲ. ಏಕೆಂದರೆ ದ್ರಾವಿಡ ಸಂಸ್ಕೃತಿಯ ನೀತಿಗಳು ತಮಿಳುನಾಡಿನ ರಾಜಕಾರಣದಲ್ಲಿ ಯಾವಾಗಲೂ ಸ್ಪಷ್ಟವಾಗಿ ಗೋಚರವಾಗುತ್ತೆ ಎಂದು ಹಲವು ವರ್ಷಗಳ ಹಿಂದೆ ತಮಿಳುನಾಡಿನಲ್ಲಿ ಕಾಂಗ್ರೆಸ್ ವ್ಯವಹಾರಗಳ ಉಸ್ತುವಾರಿ ವಹಿಸಿದ್ದ ಮೊಯ್ಲಿ ಹೇಳಿದ್ರು.
ತಮಿಳುನಾಡಿನ ಪ್ರಾದೇಶಿಕ ಪಕ್ಷದ ಜೊತೆ ಸಂಬಂಧ ಹೊಂದಿರದ ಯಾವುದೇ ರಾಜಕೀಯ ಪಕ್ಷ ತಮಿಳುನಾಡಿನಲ್ಲಿ ಉದಯವಾಗೋಕೆ ಸಾಧ್ಯವೇ ಇಲ್ಲ. ಅದರಲ್ಲೂ ರಜನಿಕಾಂತ್ ಹೆಚ್ಚು ಕಡಿಮೆ ಬಿಜೆಪಿ ಆದರ್ಶಗಳ ಜೊತೆ ಹೊಂದಾಣಿಕೆ ಮಾಡಿಕೊಂಡಿರೋದು ಸ್ಪಷ್ಟವಾಗಿ ಗೋಚರಿಸುತ್ತಿದೆ. ಹೀಗಾಗಿ ರಜನಿಕಾಂತ್ ತಮಿಳುನಾಡಲ್ಲಿ ಅರಳೋಕೆ ಸಾಧ್ಯವಿಲ್ಲ ಅಂತಾನೂ ಅವರು ಹೇಳಿದ್ರು.
Loading ...