ಕರುಣಾಮಯಿ ಆಟೋ ಚಾಲಕನ ಕಥೆ ಹಂಚಿಕೊಂಡ ಲೇಖಕಿ

ಹೃದಯವಂತ ಆಟೋ ಚಾಲಕರೊಬ್ಬರ ಕಥೆಯನ್ನು ಶೇರ್‌ ಮಾಡಿರುವ ಪುಣೆ ಮೂಲದ ಲೇಖಕಿಯೊಬ್ಬರು, ’ನಿಜ ಜೀವನದ ಸಾಂಟಾನನ್ನು ಕಂಡಿದ್ದೇನೆ’ ಎಂದಿದ್ದಾರೆ.

ಮಜಿರಿ ಪ್ರಭು ಹೆಸರಿನ ಈ ಲೇಖಕಿ ಫೇಸ್ಬುಕ್‌ನಲ್ಲಿ ಪೋಸ್ಟ್‌ ಒಂದನ್ನು ಹಾಕಿದ್ದು: ಒಮ್ಮೆ ಆಟೋ ರಿಕ್ಷಾ ಏರಿ ಕುಳಿತ ಕೂಡಲೇ ಚಾಲಕ ಹರ್ವಿಂದರ್‌ ಸಿಂಗ್‌ ಪಕ್ಕದಲ್ಲೇ ಇದ್ದ ನಾಯಿಯನ್ನು ಕಂಡು, ಅದರ ಕಥೆಯನ್ನು ಕೇಳಿ ಚಕಿತರಾಗಿದ್ದಾರಂತೆ.

ತನ್ನ ಮಗ ಈ ನಾಯಿಯನ್ನು ಮನೆಗೆ ತಂದಿದ್ದಾಗಿಯೂ, ಅದನ್ನು ನೋಡಿಕೊಳ್ಳಲು ಮನೆಯಲ್ಲಿ ಯಾರೂ ಇಲ್ಲದ ಕಾರಣ, ಸದಾ ತನ್ನೊಂದಿಗೆ ನಾಯಿಯನ್ನು ಜೊತೆಯಲ್ಲಿ ಕರೆದೊಯ್ಯವುದಾಗಿ ಹರ್ವಿಂದರ್‌ ತಿಳಿಸಿದ್ದಾರೆ.

ನಾಯಿಗೆ ಕೊಡಬೇಕಾದ ಆಹಾರ ಹಾಗೂ ನೀರನ್ನು ಆಟೋದಲ್ಲಿಯೇ ಸ್ಟಾಕ್ ಮಾಡಿಕೊಂಡಿದ್ದಾರೆ ಸಿಂಗ್.