2020ನೇ ಇಸ್ವಿ ಕೊನೆಯಾಗೋಕೆ ಇನ್ನೇನು ಕೆಲವೇ ದಿನಗಳು ಬಾಕಿ ಉಳಿದಿವೆ. ಕೊರೊನಾ ವೈರಸ್ನಿಂದಾಗಿ ಈ ವರ್ಷದ ವಿಶ್ವದ ಎಲ್ಲಾ ಜನತೆಗೆ ಸಂಕಷ್ಟಕ್ಕೆ ಸಿಲುಕ್ಕಿದ್ದಂತೂ ಸತ್ಯ. ಹೊರಗೆ ಹೋಗಲಾರದೇ ಮನೆಯಲ್ಲೂ ಸಮಯ ಕಳೆಯಲು ಕಷ್ಟ ಪಡುತ್ತಿದ್ದ ಜನತೆ ಈ ವರ್ಷ ಇಂಟರ್ನೆಟ್ನ್ನ ಹೆಚ್ಚು ಅವಲಂಬಿಸುವಂತಾಯ್ತು. ಭಾರತದಲ್ಲೂ ಕೂಡ ಜನರು ಈ ವರ್ಷ ಇಂಟರ್ನೆಟ್ ಮೂಲಕವೇ ಟೈಂ ಪಾಸ್ ಮಾಡಿದ್ದಾರೆ.
ಇದೀಗ ಗೂಗಲ್ ತನ್ನ ವಾರ್ಷಿಕ ವರದಿಯನ್ನ ಸಿದ್ಧಪಡಿಸಿದ್ದು 2020ರಲ್ಲಿ ಅತಿ ಹೆಚ್ಚು ಹುಡುಕಾಟಕ್ಕೊಳಗಾದ ವ್ಯಕ್ತಿಗಳ ಹೆಸರನ್ನ ರಿವೀಲ್ ಮಾಡಿದೆ. ಇದರಲ್ಲಿ ಟಾಪ್ 10 ಪಟ್ಟಿ ಇಲ್ಲಿದೆ ನೋಡಿ.
1. ಜೋ ಬಿಡೆನ್ : ಅಮೆರಿಕ ಅಧ್ಯಕ್ಷ ಈ ಹುಡುಕಾಟದ ಪಟ್ಟಿಯಲ್ಲಿ ಪ್ರಥಮ ಸ್ಥಾನವನ್ನ ಅಲಂಕರಿಸಿದ್ದಾರೆ. ಇವರು ಅಮೆರಿಕ ಅಧ್ಯಕ್ಷರಾಗಿದ್ದರೂ ಸಹ ಭಾರತೀಯರು ಇವರು ಬಗ್ಗೆ ಅತೀ ಹೆಚ್ಚು ಬಾರಿ ಗೂಗಲ್ನಲ್ಲಿ ಹುಡುಕಾಟ ನಡೆಸಿದ್ದಾರಂತೆ.
2. ಅರ್ನಬ್ ಗೋ ಸ್ವಾಮಿ: ಖಾಸಗಿ ಸುದ್ದಿ ವಾಹಿನಿ ನಿರೂಪಕ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನ ಪಡೆದಿದ್ದಾರೆ. ಆತ್ಮಹತ್ಯೆಗೆ ಪ್ರಚೋದನೆ ಆರೋಪದಡಿಯಲ್ಲಿ ವಿವಾದಕ್ಕೆ ಸಿಲುಕಿದ್ದ ಈ ಖ್ಯಾತ ನಿರೂಪಕನ ಬಗ್ಗೆ ಭಾರತೀಯರು ಇಂಟರ್ನೆಟ್ನಲ್ಲಿ ಅತಿಯಾಗಿ ಹುಡುಕಾಟ ನಡೆಸಿದ್ದಾರೆ.
3. ಕನ್ನಿಕಾ ಕಪೂರ್ : ಜೋ ಬಿಡೆನ್ ಹಾಗೂ ಅರ್ನಬ್ ಗೋಸ್ವಾಮಿ ಬಳಿಕ ಈ ಪಟ್ಟಿಯಲ್ಲಿ ಸ್ಥಾನ ಪಡೆದವರು ಬಾಲಿವುಡ್ ಗಾಯಕಿ ಕನ್ನಿಕಾ ಕಪೂರ್. ಏಪ್ರಿಲ್ನಲ್ಲಿ ಕೋವಿಡ್ ಮಾನದಂಡಗಳನ್ನ ಅನುಸರಿಸದ ಕಾರಣ ಸೋಂಕಿಗೆ ಗುರಿಯಾಗುವ ಮೂಲಕ ಸಖತ್ ಸುದ್ದಿಯಾಗಿದ್ದರು. ಅಲ್ಲದೇ ಕೊರೊನಾ ವೈರಸ್ ಸೋಂಕಿಗೆ ಒಳಗಾದ ಮೊದಲ ತಾರೆ ಎಂಬ ದಾಖಲೆಯನ್ನೂ ಇವರು ಮಾಡಿದ್ದಾರೆ.
4. ಕಿಮ್ ಜಂಗ್ ಉನ್ : ಉತ್ತರ ಕೊರಿಯಾದ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಈ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನ ಪಡೆದಿದ್ದಾರೆ. ಕಿಮ್ ಆರೋಗ್ಯದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವದಂತಿ ಹರಿದಾಡಿತ್ತು.
5.ಅಮಿತಾಭ್ ಬಚ್ಚನ್ : ಪ್ರಸ್ತುತ ಕೌನ್ ಬನೇಗಾ ಕರೋಡ್ಪತಿ ಕಾರ್ಯಕ್ರಮ ನಡೆಸಿಕೊಡುತ್ತಿರುವ ಬಿಗ್ ಬಿ ಟಾಪ್ ಫೈವ್ ಲಿಸ್ಟ್ನಲ್ಲಿ ಸೇರಿಕೊಂಡಿದ್ದಾರೆ. ಕೊರೊನಾ ಸೋಂಕಿಗೆ ಒಳಗಾಗಿದ್ದ ವೇಳೆ ಈ ನಟ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸುದ್ದಿಯಾಗಿದ್ದರು.
6. ರಶೀದ್ ಖಾನ್ : ಸನ್ ರೈಸರ್ಸ್ ಹೈದರಾಬಾದ್ ತಂಡದ ಆಟಗಾರ ರಶೀದ್ ಖಾನ್ ಆರನೇ ಸ್ಥಾನದಲ್ಲಿದ್ದಾರೆ. ವಿಶ್ವದ ನಂಬರ್ 1 ಟಿ 20 ಬೌಲರ್ ಈ ಬಾರಿಯ ಐಪಿಎಲ್ನಲ್ಲಿ ಹಿಟ್ ಆಗಿದ್ದರು.
7. ರಿಯಾ ಚಕ್ರವರ್ತಿ: ಸುಶಾಂತ್ ಸಿಂಗ್ ರಜಪೂತ್ ನಿಧನದ ಬಳಿಕ ಬಾಲಿವುಡ್ ನಟಿ ರಿಯಾ ಚಕ್ರವರ್ತಿ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಸುದ್ದಿಯಾಗಿದ್ದಾರೆ. ಸಿಬಿಐ, ಇಡಿ ಹಾಗೂ ಎನ್ಸಿಬಿಯಿಂದ ತನಿಖೆಗೆ ಒಳಗಾಗಿರುವ ಈ ನಟಿ ಜೈಲು ವಾಸವನ್ನೂ ಅನುಭವಿಸಿ ಜಾಮೀನಿನ ಮೇಲೆ ಹೊರಗಿದ್ದಾರೆ.
8. ಕಮಲಾ ಹ್ಯಾರಿಸ್ : ಟಾಪ್ ಟ್ರೆಂಡಿಂಗ್ ವ್ಯಕ್ತಿಗಳ ಪಟ್ಟಿಯಲ್ಲಿ ಭಾರತ ಮೂಲದ ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಕೂಡ ಸ್ಥಾನ ಪಡೆದಿದ್ದಾರೆ. ಅಮೆರಿಕದ ಮೊದಲ ಮಹಿಳಾ ಉಪಾಧ್ಯಕ್ಷೆಯಾಗುವ ಮೂಲಕ ಇವರು ಇತಿಹಾಸ ರಚಿಸಿದ್ದಾರೆ. ಇದು ಮಾತ್ರವಲ್ಲದೇ ಉಪಾಧ್ಯಕ್ಷೆ ಸ್ಥಾನ ಪಡೆದ ಮೊದಲ ಕಪ್ಪು ಮಹಿಳೆ ಹಾಗೂ ಮೊದಲ ಏಷಿಯನ್ ಅಮೆರಿಕನ್ ಎಂಬ ಕೀರ್ತಿಯೂ ಇವರಿಗೆ ಸಲ್ಲುತ್ತೆ.
9. ಅಂಕಿಂತಾ ಲೋಖಂಡೆ : ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಬಳಿಕ ಅವರ ಮಾಜಿ ಗೆಳತಿ ನಟಿ ಅಂಕಿತಾ ಲೋಖಂಡೆ ಕೂಡ ಈ ವರ್ಷ ಸಿಕ್ಕಾಪಟ್ಟೆ ಸುದ್ದಿಯಾಗಿದ್ದರು. ರಜಪೂತ್ ಸಾವಿನ ತನಿಖೆಯನ್ನ ಸಿಬಿಐ ತನಿಖೆಗೆ ವಹಿಸವೇಕು ಎಂದು ಒತ್ತಾಯಿಸಿದ ಮೊದಲ ನಟಿ ಇವರಾಗಿದ್ದಾರೆ.
10: ಕಂಗನಾ ರಣಾವತ್ : ವಿವಾದಗಳ ರಾಣಿ ಕಂಗನಾ ರಣಾವತ್ ಟಾಪ್ ಟ್ರೆಂಡಿಂಗ್ ಪಟ್ಟಿಯಲ್ಲಿ 10ನೇ ಸ್ಥಾನ ಪಡೆದಿದ್ದಾರೆ. ಟ್ವಿಟರ್ನಲ್ಲಿ ವಿವಾದಾತ್ಮಕ ಪೋಸ್ಟ್ಗಳ ಮುಖಾಂತರವೇ ಈ ನಟಿ ಭಾರೀ ಸುದ್ದಿಯಾಗಿದ್ದರು.
Loading ...