ಸಾಮಾಜಿಕ ಜಾಲತಾಣದ ಈ ಜಮಾನಾದಲ್ಲಿ ಮದುವೆ ಪ್ರಪೋಸ್ಗಳನ್ನೂ ಆನ್ಲೈನ್ನಲ್ಲೇ ಹುಡುಕೋದು ಕಾಮನ್ ಆಗಿದೆ . ಅದೇ ರೀತಿ ಕೇರಳದ ವ್ಯಕ್ತಿಯೊಬ್ಬರು ತಮ್ಮ ಮುದ್ದಾದ ನಾಯಿಗೆ ಅಲಂಕಾರ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಫೋಟೋ ಶೇರ್ ಮಾಡುವ ಮೂಲಕ ವಧು ಅನ್ವೇಷಣೆ ಮಾಡ್ತಿದ್ದಾರೆ.
ಕೇರಳದ ಸಾಂಪ್ರದಾಯಿಕ ಉಡುಗೆ ಕಸವು ಮುಂಡು ಹಾಗೂ ಗುಲಾಬಿ ಬಣ್ಣದ ಶರ್ಟ್ ಧರಿಸಿರುವ ಪಗ್ ಜಾತಿಯ ನಾಯಿ ಬಾಳೆ ಎಲೆಯ ಮುಂದೆ ಕುಳಿತಿದೆ.
ಇನ್ನೊಂದು ಫೋಟೋದಲ್ಲಿ ನಾಯಿಯನ್ನ ಎರಡೇ ಕಾಲಿನಲ್ಲಿ ನಿಲ್ಲಿಸಲಾಗಿದೆ. ಈ ಫೋಟೋ ಶೇರ್ ಮಾಡಿರುವ ನಾಯಿ ಮಾಲೀಕರು, ನಮ್ಮ ಹ್ಯಾಂಡ್ಸಮ್ ಮಲಯಾಳಿ ಹುಡುಗನಿಗೆ ಸುಂದರ ಹುಡುಗಿಯನ್ನ ಹುಡುಕುತ್ತಿದ್ದೇವೆ ಎಂದು ಪೋಸ್ಟ್ ಹಾಕಿದ್ದಾರೆ.
ಫೇಸ್ಬುಕ್ನಲ್ಲಿ ಈ ಫೋಟೋ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಇದಾದ ಬಳಿಕ ನಾಯಿಯ ಫೋಟೋವನ್ನ ಟ್ವಿಟರ್ನಲ್ಲೂ ಶೇರ್ ಮಾಡಿದ ನೆಟ್ಟಿಗರೊಬ್ಬರು ಇದನ್ನೆಲ್ಲ ನೋಡೋಕೆ ಅಂತಾನೇ ನಾನು ಫೇಸ್ಬುಕ್ನಲ್ಲಿ ಇದ್ದೇನೆ ಎಂದು ಬರೆದುಕೊಂಡಿದ್ದಾರೆ.
ಈ ಶ್ವಾನದ ಫೋಟೋವಂತೂ ಟ್ರೋಲಿಗರ ಪಾಲಿಗೆ ಬಾಡೂಟವಾಗಿದೆ. ಮುದ್ದು ಮುದ್ದಾದ ನಾಯಿಯ ಫೋಟೋ ನೋಡಿದ ನೆಟ್ಟಿಗರು ಲೈಕ್ ಮೇಲೆ ಲೈಕ್ ಕೊಡ್ತಿದ್ದಾರೆ .
Loading ...