ಟ್ವಿಟರ್ ಬಳಕೆ ಮಾಡುವ ಪೊಲೀಸ್ ಇಲಾಖೆ ಇದನ್ನ ಜನತೆಗೆ ಸಾಮಾಜಿಕ ಸಂದೇಶ ರವಾನಿಸುವ ವೇದಿಕೆಯನ್ನಾಗಿ ಮಾಡಿಕೊಂಡಿವೆ. ಅದರಲ್ಲೂ ಮುಂಬೈ ಹಾಗೂ ಅಸ್ಸಾಂ ಪೊಲೀಸರು ಸಾಮಾಜಿಕ ಜಾಲತಾಣಗಳಲ್ಲಿ ಸಾರ್ವಜನಿಕ ಸಂದೇಶಗಳನ್ನ ರವಾನಿಸುವಲ್ಲಿ ಎತ್ತಿದ ಕೈ.
ಇದೀಗ ಆಸ್ಸಾಂ ಪೊಲೀಸರು ಬಾಲಿವುಡ್ ಸಿನಿಮಾದ ಪೋಸ್ಟರ್ ಒಂದನ್ನ ಬಳಸಿಕೊಂಡು ಮಾಸ್ಕ್ ಬಳಕೆಯ ಬಗ್ಗೆ ಜಾಗೃತಿ ಮೂಡಿಸುವ ಪೋಸ್ಟ್ ಒಂದನ್ನ ಶೇರ್ ಮಾಡಿದ್ದಾರೆ. ಸಲ್ಮಾನ್ ಖಾನ್ ಹಾಗೂ ಆಮೀರ್ ಖಾನ್ ಅಭಿನಯದ ಚಿತ್ರ ಅಂದಾಜ್ ಅಪ್ನಾ ಅಪ್ನಾ ಪೋಸ್ಟರ್ನಲ್ಲಿ ನಟರಿಬ್ಬರ ಮುಖಕ್ಕೆ ಮಾಸ್ಕ್ ಹಾಕಿಸುವ ಮೂಲಕ ಮಾಸ್ಕ್ ಅಪ್ನಾ ಅಪ್ನಾ ಅಂತಾ ಹೇಳಿದ್ದಾರೆ ಅಸ್ಸಾಂ ಪೊಲೀಸರು.
ಗೆಳೆಯರು ಮಾಸ್ಕ್ ಹಾಕಿಕೊಂಡು ಮನೆಯಿಂದ ಹೊರಗೆ ಹೋಗ್ತಾರೆ ಅಂದ್ರೆ ಇದಕ್ಕಿಂತ ಸುರಕ್ಷತೆ ಮತ್ತೊಂದೇನಿದೆ ಅಂತಾ ಕ್ಯಾಪ್ಶನ್ ಬೇರೆ ಹಾಕಲಾಗಿದೆ. ಇನ್ನೊಂದು ಕುತೂಹಲಕಾರಿ ಅಂಶ ಅಂದ್ರೆ ಅಂದಾಜ್ ಅಪ್ನಾ ಅಪ್ನಾ ಸಿನಿಮಾ ಇಂದಿಗೆ 24ನೇ ವರ್ಷದ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದೆ.
Loading ...