ಕೊರೊನಾ ಲೆಕ್ಕಿಸದೆ ಗೋವಾದಲ್ಲಿ ಭರ್ಜರಿ ಪಾರ್ಟಿ

ಕೊರೊನಾ ವೈರಸ್​ ಭಯದ ನಡುವಿನಲ್ಲೇ ದೇಶದ ಜನತೆ ಹೊಸ ವರ್ಷವನ್ನ ಬರ ಮಾಡಿಕೊಂಡಿದ್ದಾರೆ. ಹೊಸ ವರ್ಷದ ಸಂಭ್ರಮಕ್ಕೆ ಬ್ರೇಕ್​ ಹಾಕುವ ಸಲುವಾಗಿ ದೆಹಲಿ, ಮುಂಬೈ ಹಾಗೂ ಬೆಂಗಳೂರು ಸೇರಿದಂತೆ ಹಲವೆಡೆ ನೈಟ್​ ಕರ್ಫ್ಯೂ ವಿಧಿಸಲಾಗಿತ್ತು.

ಈ ಬಾರಿ ಸಾಂಕ್ರಾಮಿಕದ ಭಯದಿಂದಾಗಿ ಅನೇಕರು ಪಾರ್ಟಿಗೆ ಆದ್ಯತೆ ನೀಡುವ ಬದಲು ಮನೆಯಲ್ಲೇ ಉಳಿಯುವ ನಿರ್ಧಾರ ಕೈಗೊಂಡಿದ್ದಾರೆ. ಆದರೆ ಗೋವಾದಲ್ಲಿ ನಡೆದ ಪಾರ್ಟಿಗಳ ಫೋಟೋಗಳನ್ನ ನೋಡ್ತಿದ್ರೆ ಇವರಿಗೆ ಕೊರೊನಾ ಭಯವೇ ಇಲ್ಲವೇನೋ ಎಂದೆನಿಸುತ್ತೆ.

ಪಾರ್ಟಿಗಳಲ್ಲಿ ಹಾಜರಿದ್ದ ಅನೇಕರು ಮಾಸ್ಕ್​ ಧರಿಸದೇ ಇರೋದನ್ನ ನೀವಿಲ್ಲಿ ಗಮನಿಸಬಹುದಾಗಿದೆ. ಮಾತ್ರವಲ್ಲದೇ ಸಾಮಾಜಿಕ ಅಂತರ ಕೂಡ ಕಂಡು ಬರಲಿಲ್ಲ. ಗೋವಾದ ಸಾರ್ವಜನಿಕ ಸ್ಥಳಗಳಲ್ಲಿ ಮಾಸ್ಕ್​ ಧರಿಸದವರಿಗೆ ಹಾಕಲಾಗುತ್ತಿದ್ದ ನೂರು ರೂಪಾಯಿ ದಂಡವನ್ನ ದುಪ್ಪಟ್ಟು ಮಾಡಿದ ಬಳಿಕವೂ ಜನತೆ ಎಚ್ಚೆತ್ತುಕೊಂಡಂತೆ ಕಂಡು ಬರಲಿಲ್ಲ.