ಮುಖದಲ್ಲಿ ಊತ ಬಂದಿದೆ ಎಂಬ ಕಾರಣಕ್ಕೆ ಮೆಡಿಸಿನ್ ಮಾಡುತ್ತಿದ್ದ ತಮಿಳುನಾಡಿನ ವ್ಯಕ್ತಿ ಡಾಕ್ಟರ್ ನೀಡಿದ ಮಾಹಿತಿ ಕೇಳಿ ಶಾಕ್ ಆಗಿದ್ದಾರೆ. ಮೆಡಿಕಲ್ ಟೆಸ್ಟ್ ವೇಳೆ ಈ ವ್ಯಕ್ತಿ 36 ವರ್ಷದ ಹಿಂದೆ ಆದ ಅಪಘಾತದಲ್ಲಿ ಮುಖಕ್ಕೆ ಹೊಕ್ಕಿದ್ದ ಗಾಜು ಈ ಊತಕ್ಕೆ ಕಾರಣ ಎಂಬ ವಿಚಿತ್ರ ಅಂಶ ಹೊರಬಿದ್ದಿದೆ.
ಆರ್. ಸಿ. ಸುಬ್ರಮಣಿಯಮ್ ಎಂಬವರ ಕಣ್ಣಿನ ಕೆಳಗಿನ ಭಾಗದಲ್ಲಿ ಊತ ಶುರುವಾಗಿತ್ತು. ಈ ವರ್ಷದ ಅಕ್ಟೋಬರ್ ತಿಂಗಳಲ್ಲಿ ಸಮಸ್ಯೆಗೆ ಸಿಲುಕಿದ್ದ ಸುಬ್ರಮಣಿಯಮ್ ವೈದ್ಯರ ಬಳಿ ಹೋಗಿದ್ದಾರೆ. ಈ ವೇಳೆ ವೈದ್ಯರು ಕೆಲ ವೈದ್ಯಕೀಯ ಟೆಸ್ಟ್ಗೆ ಒಳಗಾಗುವಂತೆ ಸೂಚನೆ ನೀಡಿದ್ದಾರೆ.
ಆದರೆ ವೈದ್ಯಕೀಯ ಪರೀಕ್ಷೆ ವೇಳೆ ಆತನ ಮುಖದ ಒಳಗೆ ಗಾಜಿನ ತುಂಡುಗಳಿವೆ ಎಂಬ ವಿಚಾರ ಬೆಳಕಿಗೆ ಬಂದಿದೆ. ಮೂರು ದಶಕಗಳಿಂದ ಆ ಗಾಜು ಚರ್ಮದ ಒಳಗೆ ಇದ್ದಿದ್ದರಿಂದ ಈ ನೋವು ವಾಸಿಯೇ ಆಗಿಲ್ಲ ಎಂದು ವೈದ್ಯರು ಹೇಳಿದ್ದಾರೆ.
ಸುಬ್ರಮಣಿಯನ್ 20 ವರ್ಷ ವಯಸ್ಸಿನವರಾಗಿದ್ದಾಗ ಕಾರಿಗೆ ಬಸ್ಸು ಡಿಕ್ಕಿ ಹೊಡೆದ ಪರಿಣಾಮ ಅವರ ಮುಖಕ್ಕೆ ಗಾಜುಗಳು ಸಿಲುಕಿಕೊಂಡಿದ್ದವು. ಈ ಘಟನೆ ನಡೆದ 36 ವರ್ಷದ ಬಳಿಕ ಇದೀಗ ಈ ವಿಚಿತ್ರ ವಿಚಾರ ಬೆಳಕಿಗೆ ಬಂದಿದೆ.
Loading ...