ಅಳುತ್ತಿದ್ದ 20 ತಿಂಗಳ ಮಗುವನ್ನ ಸುಮ್ಮನಿರಿಸಲು ತಾಯಿ ಪತಿಯ ಬಳಿ ಮಗಳಿಗೆ ತಿಂಡಿ ತರೋಕೆ ಎಂದು 5 ರೂಪಾಯಿ ಕೇಳಿದ್ರೆ ಪಾಪಿ ತಂದೆ ಮಗುವನ್ನೇ ಕೊಲೆ ಮಾಡಿದ ದಾರುಣ ಘಟನೆ ಮಹಾರಾಷ್ಟ್ರದ ಗೋಂದಿಯಾ ಜಿಲ್ಲೆಯಲ್ಲಿ ನಡೆದಿದೆ.
ಲೊನಾರಾ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು ಆರೋಪಿ 28 ವರ್ಷದ ವಿವೇಕ್ ಎಂಬಾತನನ್ನ ಪೊಲೀಸರು ಬಂಧಿಸಿದ್ದಾರೆ. 20 ತಿಂಗಳ ಮಗು ತಿಂಡಿ ಬೇಕು ಎಂದು ಅಮ್ಮನ ಬಳಿ ಹಠ ಹಿಡಿದಿತ್ತು. ಹೀಗಾಗಿ ಅಂಗಡಿ ಹೋಗಿ ತಿಂಡಿ ತರಲು 5 ರೂಪಾಯಿ ಕೊಡಿ ಎಂದು ತಾಯಿ ತನ್ನ ಪತಿ ವಿವೇಕ್ ಬಳಿ ಕೇಳಿದ್ದಾಳೆ.
ಇದಾದ ಬಳಿಕ ಮಗಳನ್ನ ಎತ್ತಿಕೊಂಡ ವಿವೇಕ್ ಆಕೆಯ ತಲೆಯನ್ನ ಪದೇ ಪದೇ ಬಾಗಿಲಿಗೆ ಹಾಕಿ ಜಪ್ಪಿ ಕೊಲೆ ಮಾಡಿದ್ದಾನೆ ಎನ್ನಲಾಗಿದೆ. ಮಗಳನ್ನ ಬಚಾವ್ ಮಾಡೋಕೆ ತಾಯಿ ಮಧ್ಯಪ್ರವೇಶಿಸಿದ್ರೂ ಸಹ ಕೇಳದ ವಿವೇಕ್ ಕೈಯಾರೇ ತನ್ನ ಮಗಳನ್ನ ಸಾಯಿಸಿದ್ದಾನೆ. ತಲೆ ಹಾಗೂ ಇತರೆ ಭಾಗದಲ್ಲಿ ತೀವ್ರವಾಗಿ ಗಾಯಗೊಂಡಿದ್ದ ಮಗು ಅತಿಯಾದ ರಕ್ತಸ್ರಾವದಿಂದ ಸ್ಥಳದಲ್ಲೇ ಸಾವನ್ನಪ್ಪಿದೆ.
ಹೊಸ ಮನೆಗೆ ಬಂದ ಕೂಡಲೇ ಈತನಿಗೆ ಸಿಕ್ಕಿದ್ದು ಆಂಟಿಕ್ ನಿಧಿ
ಮಗುವಿನ ತಾಯಿ ಪೊಲೀಸರಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದು ಮೃತ ಬಾಲಕಿಯ ಶವವನ್ನ ಮರಣೋತ್ತರ ಪರೀಕ್ಷೆಗೆ ಕಳುಹಿಸಿಕೊಡಲಾಗಿದೆ. ಆರೋಪಿ ವಿವೇಕ್ ವಿರುದ್ಧ ಕೊಲೆ ಕೇಸ್ ದಾಖಲಾಗಿದೆ.
Loading ...