ಹಾಗಲಕಾಯಿ ಉಪಮೆಯೊಂದಿಗೆ ಪತ್ನಿಯನ್ನ ಹಾಡಿಹೊಗಳಿದ ಪತಿ

ಮದುವೆಯಾದ ಹೊಸತರಲ್ಲಿ ಮನೆಗೆ ಬಂದ ಸೊಸೆಯ ಕಾಲೆಳೆಯೋದು ಸಾಮಾನ್ಯ. ನವಜೋಡಿಗಳಿಗೆ ತಮಾಷೆ ಮಾಡುವ ಪದ್ಧತಿ ಮೊದಲಿನಿಂದಲೂ ನಡೆದುಕೊಂಡು ಬಂದಿದೆ. ಮದುವೆ ಮನೆ ಅಂದರೆ ಸಾಕು ಎಲ್ಲಾರೂ ಫಿಲ್ಮಿ ಡೈಲಾಗ್​ಗಳನ್ನೇ ಹೊಡೆಯುತ್ತಾರೆ. ಇಂತಹದ್ದೇ ಒಂದು ಘಟನೆ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಖಾಸಿಮ್​ ಎಂಬವರು ತಮ್ಮ ಮನೆಯಲ್ಲಿ ನಡೆದ ಇಂತಹದ್ದೇ ಒಂದು ಘಟನೆಯನ್ನ ಟ್ವಿಟರ್​ನಲ್ಲಿ ಶೇರ್​ ಮಾಡಿದ್ದಾರೆ. ತಮ್ಮ ಅಣ್ಣ ತಮ್ಮ ಪತ್ನಿಗೆ ಹೇಳಿದ ಮಾತನ್ನ ಟ್ವಿಟರ್​ನಲ್ಲಿ ಹೇಳಿಕೊಂಡಿದ್ದಾರೆ.

ರಂಜಾನ್​ ಉಪವಾಸವನ್ನ ಶುರು ಮಾಡೋಕೂ ಮುನ್ನ ನಡೆದ ಊಟದ ಕಾರ್ಯಕ್ರಮವೊಂದರಲ್ಲಿ ಅಣ್ಣ ತನ್ನ ಅತ್ತಿಗೆಯನ್ನ ಹೇಗೆ ಹೊಗಳಿದ್ದಾರೆ ಅನ್ನೋದನ್ನ ವಿವರಿಸಿದ್ದಾರೆ. ಖಾಸಿಮ್​ ಅಣ್ಣ ತಮ್ಮ ಪತ್ನಿಗೆ, ಹಾಗಲಕಾಯಿಯನ್ನ ಮುಟ್ಟಲೇ ಬೇಡ, ನೀವು ಮುಟ್ಟಿದ್ರೆ ಅದು ಕೂಡ ಸಿಹಿಯಾಗುತ್ತೆ ಎಂದು ಹೇಳಿದ್ದಾರಂತೆ.

ಈ ಪೋಸ್ಟ್ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ಈ ಪೋಸ್ಟ್ ಇದೀಗ 1000 ರಿಟ್ವೀಟ್​ ಹಾಗೂ 13 ಸಾವಿರ ಲೈಕ್​ಗಳನ್ನ ಸಂಪಾದಿಸಿದೆ.