ತಮಿಳುನಾಡು ಮೂಲದ ಕಮಲಾ ಹ್ಯಾರಿಸ್ ಅಮೆರಿಕ ಉಪಾಧ್ಯಕ್ಷೆಯಾಗಿ ಪದಗ್ರಹಣ ಮಾಡೋದಕ್ಕೆ ಇನ್ನೇನು ಕೆಲವೇ ಗಂಟೆಗಳು ಬಾಕಿ ಉಳಿದಿದೆ. ತಮಿಳುನಾಡಿನಲ್ಲಿರುವ ಕಮಲಾ ಹ್ಯಾರಿಸ್ ಹುಟ್ಟೂರಿನಲ್ಲಿ ಸಂಭ್ರಮ ಮುಗಿಲುಮುಟ್ಟಿದೆ.
ಈ ನಡುವೆ ಪೇಟಾ ಸಸ್ಯಹಾರಿ ಬಿರಿಯಾನಿ ಹಾಗೂ ಪ್ರೋಟೀಜ್, ಸಿಹಿ ತಿನಿಸು ಸೇರಿದಂತೆ ವಿವಿಧ ತಿನಿಸುಗಳ ಬಾಸ್ಕೆಟ್ಗಳನ್ನ ತುಳಸೇಂದ್ರಪುರಂನಲ್ಲಿರುವ ಎಲ್ಲಾ ನಿವಾಸಿಗಳಿಗೆ ಹಂಚುತ್ತಿದೆ.
ತುಳಸೇಂದ್ರಪುರಂನಲ್ಲಿ ಕಮಲಾ ಹ್ಯಾರಿಸ್ ತಾತ ಜನಿಸಿದ್ರು. ಹೀಗಾಗಿ ತುಳಸೇಂದ್ರಪುರಂನಲ್ಲಿ ಸಂಭ್ರಮ ಮನೆ ಮಾಡಿದೆ.
ಕಮಲಾ ಹ್ಯಾರಿಸ್ ಅಮೆರಿಕದ ಉಪಾಧ್ಯಕ್ಷೆಯಾಗಿ ಪದಗ್ರಹಣ ಮಾಡಲಿರುವ ಐತಿಹಾಸಿಕ ಕ್ಷಣದ ಸಂಭ್ರಮವನ್ನ ಇನ್ನಷ್ಟು ಹೆಚ್ಚಿಸುವ ಸಲುವಾಗಿ ಪೇಟಾ ಇಂಡಿಯಾ ಈ ರೀತಿಯ ಪ್ಲಾನ್ ಮಾಡಿದೆ.
ಅದರಲ್ಲೂ ಕಮಲಾ ಹ್ಯಾರಿಸ್ ಕೂಡ ಪ್ರಾಣಿ ಹಿಂಸೆಯನ್ನ ವಿರೋಧಿಸುವ ಕಾರ್ಯಗಳನ್ನ ಮಾಡಿರೋದು ನಮಗೆ ಇನ್ನಷ್ಟು ಖುಷಿ ಕೊಟ್ಟಿದೆ ಎಂದು ಪೇಟಾ ಇಂಡಿಯಾದ ವಕ್ತಾರೆ ರಾಧಿಕಾ ಸೂರ್ಯವಂಶಿ ಹೇಳಿದ್ರು.
Loading ...