ರಣಹದ್ದುಗಳ ಮೇಲೆ ನಿಗಾ ಇಡಲು ರೆಡಿಯೋ ಟ್ಯಾಗಿಂಗ್​

ಮಧ್ಯಪ್ರದೇಶದ ಟೈಗರ್​ ರಿಸರ್ವ್​ ಕ್ಷೀಣಿಸುತ್ತಿರುವ ರಣಹದ್ದುಗಳ ಮೇಲೆ ನಿಗಾ ಇಡುವ ಸಲುವಾಗಿ ರೆಡಿಯೋ ಟ್ಯಾಗಿಂಗ್​​ ಮಾಡಲು ಆರಂಭಿಸಿದೆ.

ಈಗಾಗಲೇ ಅಳಿವಿನಂಚಿನಲ್ಲಿರುವ ಪಕ್ಷಿಗಳ ಚಲನವಲನಗಳನ್ನ ಪತ್ತೆ ಮಾಡುವ ಉದ್ದೇಶದಿಂದ ಮಧ್ಯಪ್ರದೇಶ ವನ್ಯಜೀವಿ ಸಂಸ್ಥೆ ಈ ಯೋಜನೆಯನ್ನ ಆರಂಭಿಸಿದೆ. ಈ ಯೋಜನೆಯ ಪ್ರಾಥಮಿಕ ಹಂತವಾಗಿ 25 ರಣಹದ್ದುಗಳನ್ನ ರೆಡಿಯೋ ಟ್ಯಾಗ್​ ಮಾಡಲಾಗಿದೆ.

ಈ ಹೊಸ ಯೋಜನೆಯನ್ನ ಸುಮಾರು 10 ದಿನಗಳ ಹಿಂದೆ ಆರಂಭಿಸಲಾಗಿದೆ. ಆದಾಗಿಯೂ ಪಕ್ಷಿಗಳನ್ನ ರೆಡಿಯೋ ಟ್ಯಾಗ್​ ಮಾಡುವ ನೈಜ ಪ್ರಕ್ರಿಯೆ ಡಿಸೆಂಬರ್ 5 ರಿಂದ 10ರೊಳಗೆ ಆರಂಭವಾಗಲಿದೆ. ಪಕ್ಷಿಗಳಿಗೆ ಆಮಿಷವೊಡ್ಡಲು ಮಾಂಸಗಳಿಂದ ತುಂಬಿದ ದೊಡ್ಡ ಪಂಜರವನ್ನ ಉದ್ಯಾನವನದಲ್ಲಿ ಇಡಲಾಗಿದೆ. ಇದರೊಳಕ್ಕೆ ರಣಹದ್ದುಗಳು ಪ್ರವೇಶಿಸುತ್ತಿದ್ದಂತೆಯೇ ರೆಡಿಯೋ ಟ್ಯಾಗ್​ ಆರಂಭವಾಗುತ್ತೆ.

ಮೂರು ದಶಕಗಳಲ್ಲಿ ದೇಶದಲ್ಲಿದ್ದ ರಣಹದ್ದುಗಳ ಸಂಖ್ಯೆ ನಾಲ್ಕು ಕೋಟಿಯಿಂದ ನಾಲ್ಕು ಲಕ್ಷಕ್ಕೆ ಬಂದು ತಲುಪಿದೆ ಅಂತಾ ಕೇಂದ್ರ ಪರಿಸರ ಖಾತೆ ಸಚಿವ ಪ್ರಕಾಶ್​ ಜಾವ್ಡೇಕರ್​ ಹೇಳಿದ್ದಾರೆ. ಹೀಗಾಗಿ ರಣಹದ್ದುಗಳ ಮೇಲೆ ನಿಗಾ ಇಡಲು ನಿರ್ಧರಿಸಲಾಗಿದೆ.