ಕೊರೊನಾ ವೈರಸ್ ಭೂಮಂಡಲಕ್ಕೆ ಕಾಲಿಟ್ಟಾಗಿನಿಂದ ಮಾಸ್ಕ್ ಹಾಗೂ ಸ್ಯಾನಿಟೈಸರ್ಗಳು ಮಾನವನ ಆಪ್ತಬಂಧುವಾಗಿ ಬದಲಾಗಿದೆ. ಕಚೇರಿಗಳಲ್ಲಿ, ಹೋಟೆಲ್ಗಳಲ್ಲಿ, ಮನೆಗಳಲ್ಲಿ, ಬ್ಯಾಂಕ್ಗಳಲ್ಲಿ ಅಷ್ಟೇ ಏಕೆ ಎಟಿಎಂ ಕೇಂದ್ರಗಳಲ್ಲೂ ಸಹ ಸ್ಯಾನಿಟೈಸರ್ಗಳನ್ನ ಸಾರ್ವಜನಿಕ ಬಳಕೆಗೆ ಇಡಲಾಗ್ತಿದೆ.
ಆದರೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆದ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ಎಟಿಎಂ ಕೇಂದ್ರದಲ್ಲಿ ಜನಬಳಕೆಗೆ ಇಟ್ಟಿದ್ದ ಸ್ಯಾನಿಟೈಸರ್ ಬಾಟಲಿಯನ್ನೇ ಕದ್ದು ಎಸ್ಕೇಪ್ ಆಗಿದ್ದಾನೆ.
ಈ ವಿಡಿಯೋವನ್ನ ಐಪಿಎಸ್ ಅಧಿಕಾರಿ ದೀಪಾಂಶು ಕಬ್ರಾ ಎಂಬವರು ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ. 33 ಸೆಕೆಂಡ್ಗಳ ವಿಡಿಯೋದಲ್ಲಿ ಫೇಸ್ ಮಾಸ್ಕ್ ಧರಿಸಿದ್ದ ವ್ಯಕ್ತಿಯೊಬ್ಬ ಎಟಿಎಂ ಕಾರ್ಡ್ನ್ನು ತನ್ನ ಪರ್ಸ್ ಒಳಗೆ ಹಾಕಿಕೊಂಡು ಬಳಿಕ ಸ್ಯಾನಿಟೈಸರ್ನ್ನು ಕದ್ದು ತನ್ನ ಬ್ಯಾಗಿನೊಳಗೆ ಹಾಕಿಕೊಂಡು ಪರಾರಿಯಾಗಿದ್ದಾನೆ.
ಇದೊಂದು ಅತ್ಯಂತ ಕೆಟ್ಟ ಚಾಳಿಯಾಗಿದೆ. ದೇಶದಲ್ಲಿ ಮಿಲಿಯನ್ಗಟ್ಟಲೇ ಎಟಿಎಂ ಕೇಂದ್ರಗಳಿವೆ. ಇಂತಹ ಮೂರ್ಖರಿಂದ ಸ್ಯಾನಿಟೈಸರ್ಗಳನ್ನ ರಕ್ಷಣೆ ಮಾಡಲು 100 – 200 ರೂಪಾಯಿ ವ್ಯಯಮಾಡಿ ಸ್ಯಾನಿಟೈಸರ್ಗಳಿಗೂ ಪಂಜರ ನಿರ್ಮಿಸಬೇಕು. ಇದಕ್ಕಾಗಿ ಒಟ್ಟು ಕೋಟಿಗಟ್ಟಲೇ ಹಣ ಖರ್ಚಾಗುತ್ತೆ. ನಿಮ್ಮ ಸರಿಯಾದ ನಡವಳಿಕೆಯಿಂದ ಈ ಹಣ ಉಳಿತಾಯವಾಗಲಿದೆ ಎಂದು ಕಬ್ರಾ ಶೀರ್ಷಿಕೆ ನೀಡಿದ್ದಾರೆ. ಅಲ್ಲದೇ ಮನುಷ್ಯರು ಸುಧಾರಿಸೋಕೆ ಸಾಧ್ಯವೇ ಇಲ್ಲ ಅಂತಲೂ ಬೇಸರ ಹೊರಹಾಕಿದ್ದಾರೆ.
ಈ ವಿಡಿಯೋ ಟ್ವಿಟರ್ನಲ್ಲಿ ಭಾರೀ ವೈರಲ್ ಆಗಿದೆ. ಕಮೆಂಟ್ನಲ್ಲಿ ನೆಟ್ಟಿಗರೂ ಸಹ ಈ ವ್ಯಕ್ತಿಯ ವಿರುದ್ಧ ಆಕ್ರೋಶ ಹೊರಹಾಕ್ತಿದ್ದಾರೆ.
Loading ...