ಗುಜರಾತ್ನ ಜಾಮ್ ನಗರದಲ್ಲಿ ಶೀಘ್ರದಲ್ಲೇ ವಿಶ್ವದ ಅತಿದೊಡ್ಡ ಪ್ರಾಣಿ ಸಂಗ್ರಹಾಲಯ ನಿರ್ಮಾಣವಾಗಲಿದೆ ಅಂತಾ ರಾಜ್ಯ ಸರ್ಕಾರದ ಅಧಿಕಾರಿ ಮಾಹಿತಿ ನೀಡಿದ್ದಾರೆ .
ಪ್ರತಿಷ್ಠಿತ ರಿಲಯನ್ಸ್ ಇಂಡಸ್ಟ್ರೀಸ್ ಈ ಮೃಗಾಲಯವನ್ನ ಜಾಮ್ನಗರದಲ್ಲಿ ಅಭಿವೃದ್ಧಿಪಡಿಸುತ್ತಿದೆ ಎಂದು ಗುಜರಾತ್ ಮುಖ್ಯಮಂತ್ರಿ ಕಚೇರಿ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಎಂ.ಕೆ. ದಾಸ್ ಹೇಳಿದ್ದಾರೆ.
ನಿಮ್ಮಗೆಲ್ಲರಿಗೂ ತಿಳಿದಿರುವಂತೆ ವಿಶ್ವದ ಅತಿ ಎತ್ತರದ ಪ್ರತಿಮೆಯನ್ನ ಗುಜರಾತ್ ಹೊಂದಿದೆ. ಶೀಘ್ರದಲ್ಲೇ ಗುಜರಾತ್ ವಿಶ್ವದಲ್ಲೇ ಅತಿದೊಡ್ಡ ಪ್ರಾಣಿ ಸಂಗ್ರಹಾಲಯವನ್ನ ಹೊಂದಲಿದೆ ಎಂದು ಎಂ.ಕೆ. ದಾಸ್ ಹೇಳಿದ್ರು.
ಕೇಂದ್ರ ಮೃಗಾಲಯ ಸಮಿತಿ ನೀಡಿರುವ ಮಾಹಿತಿ ಪ್ರಕಾರ ಹಸಿರು ಮೃಗಾಲಯ ರಕ್ಷಣಾ ಹಾಗೂ ಪುನರ್ವಸತಿ ಸಾಮ್ರಾಜ್ಯ ಸ್ಥಾಪನೆಗೆ ಈಗಾಗಲೇ ಯೋಜನಾ ವಿವರಣೆಯನ್ನ ಸಲ್ಲಿಕೆ ಮಾಡಲಾಗಿದೆ. ಈ ವಿವರಣೆಯನ್ನ ಮೃಗಾಲಯ ಪ್ರಾಧಿಕಾರದ 33ನೇ ಸಭೆಯಲ್ಲಿ ಅಂಗೀಕರಿಸಲಾಗಿದೆ.
ಮೂಲಗಳ ಪ್ರಕಾರ ಈ ಮೃಗಾಲಯದಲ್ಲಿ ವಿಶ್ವದ ಮೂಲೆ ಮೂಲೆಯ ಪಕ್ಷಿಗಳು, ಪ್ರಾಣಿಗಳು, ಡ್ರ್ಯಾಗನ್ ವಂಶ, ಮತ್ಸ್ಯ ಜೀವಿಗಳು ಸೇರಿದಂತೆ ಅನೇಕ ಪ್ರಬೇಧಗಳನ್ನ ಹೊಂದುವ ಇರಾದೆಯನ್ನ ಹೊಂದಲಾಗಿದೆ.
Loading ...