ದೆಹಲಿ ಪೊಲೀಸರು ಪರಿಸರ ಕಾರ್ಯಕರ್ತೆ ಗ್ರೇಟಾ ಥನ್ಬರ್ಗ್ರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ರೈತ ಪ್ರತಿಭಟನೆ ವಿಚಾರವಾಗಿ ಪ್ರಚೋದನಾತ್ಮಕ ಟ್ವೀಟ್ಗಳನ್ನ ಹರಿಬಿಟ್ಟ ಹಿನ್ನೆಲೆ ಗ್ರೇಟಾ ವಿರುದ್ಧ ಕೇಸ್ ದಾಖಲಾಗಿದೆ.
ಪಾಪ್ ಗಾಯಕಿ ರಿಹನ್ನಾ ಟ್ವೀಟ್ ಬೆನ್ನಲ್ಲೇ ಪರಿಸರ ಕಾರ್ಯಕರ್ತೆ ಗ್ರೇಟಾ ಥನ್ಬರ್ಗ್ ಸೇರಿದಂತೆ ವಿದೇಶಿ ಸೆಲೆಬ್ರಿಟಿಗಳು ರೈತ ಪ್ರತಿಭಟನೆ ಬೆಂಬಲಿಸಿ ಟ್ವೀಟ್ ಮಾಡಿದ್ದರು. ಫೆಬ್ರವರಿ 2ರಂದು ಟ್ವೀಟ್ ಮಾಡಿದ್ದ ಗ್ರೇಟಾ ರೈತರ ಪ್ರತಿಭಟನೆಯೊಂದಿಗೆ ನಾವಿದ್ದೇವೆ ಎಂದು ಹೇಳಿಕೊಂಡಿದ್ದಳು. ಮಾತ್ರವಲ್ಲದೇ ಡಾಕ್ಯೂಮೆಂಟ್ ಒಂದನ್ನ ಶೇರ್ ಮಾಡಿ ಕೆಲವೇ ನಿಮಿಷಗಳಲ್ಲಿ ಅದನ್ನ ಡಿಲೀಟ್ ಮಾಡಿದ್ದರು. ಈ ಡಿಲೀಟ್ ಆದ ಟ್ವೀಟ್ ಸಾಕಷ್ಟು ವಿವಾದವನ್ನ ಹುಟ್ಟು ಹಾಕಿತ್ತು.
ವಿದೇಶಿ ಸೆಲೆಬ್ರಿಟಿಗಳು ಹಾಗೂ ಕಾರ್ಯಕರ್ತರು ದೇಶದ ವಿಚಾರದಲ್ಲಿ ಮೂಗು ತೂರಿಸಿರೋದು ಭಾರತೀಯರ ಕೆಂಗಣ್ಣಿಗೆ ಗುರಿಯಾಗಿದೆ. ಬುಧವಾರ ಈ ಸಂಬಂಧ ಟ್ವೀಟ್ ಮಾಡಿದ್ದ ಕೇಂದ್ರ ವಿದೇಶಾಂಗ ಸಚಿವ ಎಸ್. ಜೈಶಂಕರ್ – ಭಾರತವನ್ನ ಗುರಿಯಾಗಿಸಿ ಮಾಡಲಾಗುತ್ತಿರುವ ಈ ಪೂರ್ವನಿಯೋಜಿತ ಅಭಿಯಾನ ಎಂದಿಗೂ ಸಫಲವಾಗೋದಿಲ್ಲ ಎಂದು ಬರೆದುಕೊಂಡಿದ್ದರು. ಈ ಟ್ವೀಟ್ ಜೊತೆಯಲ್ಲಿ ಇಂಡಿಯಾ ಟುಗೆದರ್ ಎಂಬ ಹ್ಯಾಶ್ಟ್ಯಾಗ್ನ್ನು ಹಾಕಿದ್ದರು.
Loading ...