ಪ್ರಾಪರ್ಟಿ ಡೀಲರ್ ಆಗಿ ಉದ್ಯಮ ನಡೆಸುತ್ತಿದ್ದ 32 ವರ್ಷದ ವ್ಯಕ್ತಿಯೊಬ್ಬ ತನ್ನ 21 ವರ್ಷದ ಮಾಜಿ ಪ್ರೇಯಸಿಯನ್ನ ಬೆದರಿಸೋಕೆ ಗುಂಡು ಹಾರಿಸಿದ ಹಿನ್ನೆಲೆ ಪೊಲೀಸರು ಆತನನ್ನ ಬಂಧಿಸಿದ್ದಾರೆ.
ಬಂಧಿತ ವ್ಯಕ್ತಿಯನ್ನ ಸುರೇಶ್ ಎಂದು ಗುರುತಿಸಲಾಗಿದೆ. ಈತ ನಿವೃತ್ತ ಆರ್ಮಿ ಅಧಿಕಾರಿಯ ಪುತ್ರನಾಗಿದ್ದಾನೆ. ಸುರೇಶ್ಗೆ ತನ್ನ ಪರವಾನಿಗಿ ಹೊಂದಿರುವ ಪಿಸ್ತೂಲ್ನ್ನು ನೀಡಿದ ಕಾರಣ 45 ವರ್ಷದ ಪವನ್ನನ್ನೂ ಬಂಧಿಸಲಾಗಿದೆ.
ಇನ್ನು ಈ ವಿಚಾರವಾಗಿ ಮಾತನಾಡಿದ ಪೊಲೀಸ್ ಅಧಿಕಾರಿ ಊರ್ವಿಜಾ ಘೋಯಲ್, ಯುವತಿ ಕಳೆದ ಕೆಲ ದಿನಗಳಿಂದ ಆರೋಪಿಯನ್ನ ಕಡೆಗಣಿಸುತ್ತಿದ್ದಳು ಹಾಗೂ ಆತನ ನಂಬರ್ನ್ನು ಬ್ಲಾಕ್ ಮಾಡಿದ್ದು ಈತನ ಕೋಪ ಹೆಚ್ಚಲು ಕಾರಣವಾಗಿತ್ತು ಎಂದು ಹೇಳಿದ್ದಾರೆ.
ತನಿಖೆಯ ವೇಳೆ ಆರೋಪಿ ಯುವತಿಯ ಮೇಲೆ ದ್ವೇಷ ತೀರಿಸಿಕೊಳ್ಳುವ ಸಲುವಾಗಿ ಈ ರೀತಿ ಮಾಡಿದ್ದೇನೆ ಎಂದು ಒಪ್ಪಿಕೊಂಡಿದ್ದಾನೆ. ಹೀಗಾಗಿ ಆತ ತನ್ನ ಗೆಳತಿಯ ಮನೆ ಬಳಿಗೆ ಹೋಗಿದ್ದಾನೆ. ಆದರೆ ಆಕೆ ಮನೆಯಲ್ಲಿ ಇರಲಿಲ್ಲ ಎಂಬ ವಿಚಾರ ತಿಳಿದಿದೆ.
ಆಕೆ ಸ್ನೇಹಿತರ ಮನೆಗೆ ಹೋಗಿದ್ದಾಳೆ ಎಂಬ ವಿಚಾರ ತಿಳಿಯುತ್ತಿದ್ದಂತೆ ಅದೇ ಸ್ಥಳಕ್ಕೆ ಹೋದ ಸುರೇಶ್ ಆಕೆಗೆ ಬೆದರಿಕೆ ಒಡ್ಡಿದ್ದಾನೆ.
ಘಟನೆ ಬಳಿಕ ಯುವತಿಯ ಸ್ನೇಹಿತೆ ದೂರನ್ನ ದಾಖಲಿಸಿದ್ದು, ನನ್ನ ಗೆಳತಿಯನ್ನ ಬೆದರಿಸೋಕೆ ಅಂತಾ ಆಕೆಯ ಮಾಜಿ ಗೆಳೆಯ ಗುಂಡು ಹಾರಿಸಿದ್ದಾನೆ ಎಂದು ಪೊಲೀಸರಿಗೆ ಮಾಹಿತಿ ನೀಡಿದ್ದಾಳೆ.
Loading ...