ಗಿಫ್ಟ್ ಸಿಕ್ಕ ಕೂಡಲೇ ನಮ್ಮೆಲ್ಲರಿಗೂ ಬಹಳ ಖುಷಿಯಾಗುತ್ತದೆ. ಥರ್ಮೋಸ್ ಫ್ಲಾಸ್ಕ್ ಒಂದನ್ನು ಗಿಫ್ಟ್ ಪಡೆದುಕೊಂಡ ಕೋತಿಯೊಂದು ಬಹಳ ಎಕ್ಸೈಟ್ ಆಗಿದ್ದು, ಅದರ ವಿಡಿಯೋ ಸಾಮಾಜಿಕ ಜಾಲತಾಣದ ಪ್ಲಾಟ್ಫಾರಂಗಳಲ್ಲಿ ಸದ್ದು ಮಾಡುತ್ತಿದೆ.
ಜಾರ್ಜ್ ಹೆಸರಿನ ಈ ಮಂಗವು ಬಲೇ ಖುಷಿಯಿಂದ ನೀರಿನ ಬಾಟಲ್ ತೆರೆಯುತ್ತಿರುವ ಈ 40 ಸೆಕೆಂಡ್ಗಳ ವಿಡಿಯೋವನ್ನು ನೋಡಬಹುದಾಗಿದೆ. ನೀರಿನ ಬಾಟಲ್ ಹೊರ ತೆಗೆಯುವ ವೇಳೆ ಮಂಗನ ಮುಖದ ಮೇಲಿನ ಭಾವನೆ ನೋಡುವುದೇ ಒಂದು ಮಜ.
ಇದಾದ ಮೇಲೆ ಬಾಟಲ್ ನ್ನು ಎರಡು ಬಾರಿ ತೆರೆದು ನೋಡಿ ಅದನ್ನು ಪರಿಶೀಲಿಸುವುದನ್ನ ಕಾಣಬಹುದಾಗಿದೆ. ಅದೂ ಎರಡು ಬಾರಿ…! ಬಾಟಲಿಯನ್ನು ತೆರೆದ ಮೇಲೆ ಬಳಕೆದಾರರ ಮ್ಯಾನುವಲ್ ಅನ್ನು ಈ ಮಂಗ ಓದಲೂ ಸಹ ಮುಂದಾಗಿದೆ.