ಭಿಕ್ಷುಕನೊಬ್ಬ ತನ್ನ ಮೃತ ಪತ್ನಿಯ ಶವವನ್ನ ತನ್ನ ಹೆಗಲ ಮೇಲೆ ಹೊತ್ತು ಸಾಗಿಸಿದ ದಾರುಣ ಘಟನೆ ತೆಲಂಗಾಣದ ಕಾಮರೆಡ್ಡಿಯಲ್ಲಿ ನಡೆದಿದೆ. ರೈಲ್ವೆ ನಿಲ್ದಾಣದಲ್ಲಿ ಮೃತ ನಾಗಲಕ್ಷ್ಮೀ ತಮ್ಮ ಪತಿ ಸ್ವಾಮಿ ಜೊತೆ ವಾಸವಿದ್ದರು. ಭಿಕ್ಷೆ ಬೇಡಿ ಜೀವನ ಸಾಗಿಸುತ್ತಿದ್ದ ನಾಗಲಕ್ಷ್ಮೀ ದೀರ್ಘ ಕಾಲದ ಅನಾರೋಗ್ಯದಿಂದ ಸಾವನ್ನಪ್ಪಿದ್ದಾರೆ.
ರೈಲ್ವೆ ಪೊಲೀಸ್ ಅಧಿಕಾರಿಗಳು ಸ್ವಾಮಿಗೆ 2500 ರೂಪಾಯಿಗಳನ್ನ ಅಂತ್ಯಕ್ರಿಯೆಗೆಂದು ನೀಡಿದ್ದರು. ಆದರೆ ಶವವನ್ನ ಸಾಗಿಸಲು ಯಾವುದೇ ಆಟೋವಾಗಲಿ ಇನ್ನಿತರ ಯಾವುದೇ ಖಾಸಗಿ ವಾಹನಗಳು ಸಿಗಲಿಲ್ಲ. ನಾಗಲಕ್ಷ್ಮೀ ಕೋವಿಡ್ಗೆ ಬಲಿಯಾಗಿದ್ದಾರೆ ಎಂದು ಭಾವಿಸಿ ಶವ ಸಾಗಿಸಲು ಎಲ್ಲರೂ ಹಿಂಜರಿದಿದ್ದಾರೆ.
ತಾಯಿ ನಿಧನಕ್ಕೆ ಆಕ್ರೋಶಗೊಂಡ ಪೊಲೀಸ್ ಅಧಿಕಾರಿಯಿಂದ ವೈದ್ಯರ ಮೇಲೆ ಹಲ್ಲೆ..!
ಸಾಕಷ್ಟು ಸಮಯಗಳವರೆಗೆ ಕಾದ ಸ್ವಾಮಿ ತನ್ನ ಪತ್ನಿಯ ಶವವನ್ನ ಹೆಗಲ ಮೇಲೆ ಹೊತ್ತು ಸ್ಮಶಾನಕ್ಕೆ ಸಾಗಿಸಿದ್ದಾರೆ. ಈ ದಾರುಣ ದೃಶ್ಯ ಸಿ ಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Loading ...