ಕೊರೊನಾ ವೈರಸ್ನಿಂದಾಗಿ ತತ್ತರಿಸಿದ್ದ ಭಾರತ ಐತಿಹಾಸಿಕ ದಿನವಾದ ಇಂದು ಲಸಿಕೆ ವಿತರಣೆಯನ್ನ ಆರಂಭಿಸುವ ಮೂಲಕ ಮಾರಕ ವೈರಸ್ ವಿರುದ್ಧ ಮತ್ತೊಂದು ರೀತಿಯ ಹೋರಾಟಕ್ಕೆ ಇಳಿದಿದೆ. ದೆಹಲಿ ಏಮ್ಸ್ನ ಪೌರ ಕಾರ್ಮಿಕ ಮನೀಶ್ ಕುಮಾರ್ಗೆ ದೇಶದಲ್ಲೇ ಮೊದಲ ಕೊರೊನಾ ಲಸಿಕೆಯನ್ನ ನೀಡಲಾಯ್ತು.
ಮನೀಶ್ ಕುಮಾರ್ಗೆ ಕೊರೊನಾ ಲಸಿಕೆ ನೀಡುತ್ತಿದ್ದ ವೇಳೆ ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷವರ್ಧನ್ ಉಪಸ್ಥಿತರಿದ್ದರು. ಏಮ್ಸ್ ನಿರ್ದೇಶಕ ಡಾ. ರಂದೀಪ್ ಗುಲೇರಿಯಾ ಕೂಡ ಕೊರೊನಾ ಲಸಿಕೆಯನ್ನ ಪಡೆದಿದ್ದಾರೆ.
ಕೊರೊನಾ ಲಸಿಕೆ ಹಂಚಿಕೆ ಸಂಬಂಧ ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ, ಕೊರೊನಾ ಲಸಿಕೆ ಅಭಿಯಾನದ ಮೂಲಕ ಕೋವಿಡ್ 19ನ್ನು ಸೋಲಿಸೋಣ ಎಂದು ಕರೆ ನೀಡಿದ್ದಾರೆ.
ಖ್ಯಾತ ಮರಳು ಕಲಾವಿದ ಸುದರ್ಶನ್ ಪಟ್ನಾಯಕ್ ಮರಳು ಶಿಲ್ಪಕಲೆ ಮೂಲಕ ಕೊರೊನಾ ಲಸಿಕೆ ಡ್ರೈವ್ಗೆ ಶುಭಕೋರಿದ್ದು ಈ ಕಲಾಕೃತಿಯ ಫೋಟೋ ಟ್ವಿಟರ್ನಲ್ಲಿ ಸಖತ್ ವೈರಲ್ ಆಗಿದೆ.
ಕೋವಿಡ್ 19 ವಿರುದ್ಧ ಭಾರತ ವಿಶ್ವದ ಅತಿದೊಡ್ಡ ವ್ಯಾಕ್ಸಿನೇಷನ್ ಡ್ರೈವ್ ಆರಂಭಿಸಿದೆ. ಇದು ಈಗಾಗಲೇ ಲಕ್ಷಾಂತರ ಜೀವಗಳನ್ನ ಬಲಿ ಪಡೆದಿದೆ. ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಹಾಗೂ ಭಾರತ್ ಬಯೋಟೆಕ್ ಅಭಿವೃದ್ಧಿ ಪಡಿಸಿದ ಕೋವಿಶೀಲ್ಡ್ ಹಾಗೂ ಕೋವ್ಯಾಕ್ಸಿನ್ ಎಂಬ ಎರಡು ಲಸಿಕೆಗಳಿಗೆ ಪ್ರಧಾನಿ ಮೋದಿ ಸರ್ಕಾರ ತುರ್ತು ಅನುಮೋದನೆ ನೀಡಿದೆ. ಕೊರೊನಾ ಲಸಿಕೆಯ ಮೊದಲ ಹಂತದಲ್ಲಿ 3 ಕೋಟಿ ಜನರಿಗೆ ಲಸಿಕೆ ನೀಡಲಾಗುತ್ತದೆ.
Loading ...