1 ರಿಂದ 12ನೇ ತರಗತಿ ವಿದ್ಯಾರ್ಥಿಗಳಿಗೆ ಕೇಂದ್ರ ಸರ್ಕಾರದಿಂದ ಶುಭಸುದ್ದಿ

ನವದೆಹಲಿ: ಒಂದರಿಂದ 12ನೇ ತರಗತಿಯವರೆಗೆ ಪ್ರತಿಯೊಂದು ಕ್ಲಾಸ್ ಗೂ 12 ಟಿವಿ ಚಾನಲ್ ಆರಂಭಿಸಲು ಕೇಂದ್ರ ಸರ್ಕಾರ ಮುಂದಾಗಿದೆ.

ಶಾಲಾ ಮಕ್ಕಳಿಗಾಗಿ 12 ಟಿವಿ ಚಾನಲ್ ಆರಂಭಿಸಲಾಗುವುದು ಎಂದು ಕೇಂದ್ರ ಹಣಕಾಸು ಸಚಿವರಾದ ನಿರ್ಮಲಾ ಸೀತಾರಾಮನ್ ಮಾಹಿತಿ ನೀಡಿದ್ದಾರೆ. ಮಕ್ಕಳಿಗೆ ಡಿಜಿಟಲ್ ಶಿಕ್ಷಣ ನೀಡುವ ಉದ್ದೇಶದಿಂದ ಪ್ರಧಾನಮಂತ್ರಿ ಇ -ವಿದ್ಯಾ ಯೋಜನೆ ಆರಂಭಿಸಿದ್ದು 1 ರಿಂದ 12 ನೇ ತರಗತಿ ಮಕ್ಕಳಿಗೆ 12 ಚಾನಲ್ ಆರಂಭಿಸಲಾಗುವುದು.

ಕೇಂದ್ರ ಸರ್ಕಾರ ಡಿಜಿಟಲ್ ಶಿಕ್ಷಣಕ್ಕಾಗಿ ಇ -ವಿದ್ಯಾರ್ಥಿ ಯೋಜನೆಯನ್ನು ರೂಪಿಸಿದೆ. ಟಾಪ್ 100 ವಿಶ್ವವಿದ್ಯಾಲಯಗಳಲ್ಲಿ ಮೇ ಅಂತ್ಯದಿಂದ ಆನ್ಲೈನ್ ಕೋರ್ಸ್ ಆರಂಭಿಸಲು ಅವಕಾಶ ನೀಡಲಾಗುವುದು. ಇ- ವಿದ್ಯಾ ಯೋಜನೆಯಡಿ ದೀಕ್ಷಾ ಎನ್ನುವ ಉಪಯೋಜನೆ ಇರಲಿದೆ ಎಂದು ನಿರ್ಮಲಾ ಸೀತಾರಾಮನ್ ಮಾಹಿತಿ ನೀಡಿದ್ದಾರೆ.