ಫೆಬ್ರವರಿ 14ನೆ ತಾರೀಖನ್ನ ಪ್ರೇಮಿಗಳ ದಿನವಾಗಿ ಆಚರಿಸಲಾಗುತ್ತೆ ಅನ್ನೋ ವಿಚಾರ ಎಲ್ಲರಿಗೂ ತಿಳಿದಿದೆ. ತಮ್ಮ ಪ್ರೀತಿ ಪಾತ್ರರಿಗೆ ಈ ದಿನದಂದು ಗಿಫ್ಟ್, ಚಾಕಲೇಟ್, ಸೇರಿದಂತೆ ವಿವಿಧ ಉಡುಗೊರೆಗಳನ್ನ ನೀಡ್ತಾರೆ.
ವಿನೋದ್ಭಾಯ್ ಪಟೇಲ್ ಎಂಬ ವ್ಯಕ್ತಿ ಮಾತ್ರ ತನ್ನ ಪತ್ನಿ ರಿತಾಬೆನ್ ಪಟೇಲ್ಗೆ ಅತ್ಯಂತ ಅಮೂಲ್ಯವಾದ ಉಡುಗೊರೆಯನ್ನ ನೀಡುವ ಮೂಲಕ ಜಗಕ್ಕೇ ಮಾದರಿಯಾಗಿದ್ದಾರೆ. ಪತ್ನಿಗೆ ಸ್ವಂತ ಕಿಡ್ನಿಯನ್ನೇ ನೀಡುವ ಮೂಲಕ ಆಕೆಯ ಆಯಸ್ಸನ್ನ ಹೆಚ್ಚಿಸಲು ಪ್ರಯತ್ನ ಪಟ್ಟಿದ್ದಾರೆ.
ಭಾರ ಎತ್ತುವ ಸ್ಪರ್ಧೆಯಲ್ಲಿ ಈ ಸಾಧನೆ ಮಾಡಿದ್ದಾರೆ ಕಾಶ್ಮೀರದ ಮಹಿಳೆ….!
ಕಳೆದ ಮೂರು ವರ್ಷಗಳಿಂದ ರೀತಾಬೆನ್ ಪಟೇಲ್ ಕಿಡ್ನಿ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಈಕೆಗೆ ಈಗಾಗಲೇ ಕಿಡ್ನಿ ಸಮಸ್ಯೆಗೆ ಚಿಕಿತ್ಸೆ ನೀಡಲಾಗ್ತಿದೆ. ಅಲ್ಲದೇ ರೀತಾ ಬೆಹೆನ್ ವಾರಕ್ಕೆ ಮೂರು ಬಾರಿ ಡಯಾಲಿಸಿಸ್ ಚಿಕಿತ್ಸೆಗೆ ಒಳಗಾಗುತ್ತಿದ್ದರು. ಪತ್ನಿಯ ಈ ಕಷ್ಟವನ್ನ ನೋಡಲಾಗದ ಪತಿ ವಿನೋದ್ ಈ ನಿರ್ಧಾರವನ್ನ ಕೈಗೊಂಡಿದ್ದಾರೆ.
ಇನ್ನು ಈ ವಿಚಾರವಾಗಿ ಮಾತನಾಡಿದ ವಿನೋದ್, ನನ್ನ ಪತ್ನಿ ನನ್ನ ಜೀವನದ ಎಲ್ಲಾ ಏರಿಳಿತಗಳಲ್ಲೂ ನನ್ನ ಜೊತೆ ಇದ್ದಳು. ಹೀಗಿರುವಾಗ ಆಕೆಯ ಹೋರಾಟವನ್ನ ಒಬ್ಬಳೇ ಎದುರಿಸಲು ನಾನು ಹೇಗೆ ತಾನೆ ಬಿಡಲು ಸಾಧ್ಯ..? ಹೀಗಾಗಿ ನಾನು ನನ್ನ ಕಿಡ್ನಿಯನ್ನೇ ಪತ್ನಿಗೆ ಕೊಡಲು ನಿರ್ಧರಿಸಿದ್ದೇನೆ ಎಂದು ಹೇಳಿದ್ದಾರೆ.
Loading ...