ದೇಶದಲ್ಲಿ ಕೊರೊನಾ ಎರಡನೇ ಅಲೆ ಮಿತಿಮೀರಿರುವ ಬೆನ್ನಲ್ಲೇ ವೈದ್ಯಕೀಯ ಸೌಲಭ್ಯಗಳಿಗೆ ಅಭಾವ ಉಂಟಾಗಿದೆ. ಐಸಿಯು ಬೆಡ್ಗಳು, ವೈದ್ಯಕೀಯ ಆಮ್ಲಜನಕ, ರೆಮಿಡಿಸಿವರ್ ಹೀಗೆ ಸಾಕಷ್ಟು ಸಮಸ್ಯೆಗಳು ಉಂಟಾಗುತ್ತಿದೆ. ಸೋಶಿಯಲ್ ಮೀಡಿಯಾ ಮೂಲಕ ಬಹುತೇಕ ಮಂದಿ ವೈದ್ಯಕೀಯ ಅವಶ್ಯಕತೆ ಇರುವವರೆಗೆ ಸಹಾಯವನ್ನೂ ಮಾಡುತ್ತಿದ್ದಾರೆ.
ಜಾರ್ಖಂಡ್ನ ಬೊಕಾರೋ ಶಾಲೆಯ 38 ವರ್ಷದ ಶಿಕ್ಷಕರೊಬ್ಬರು ಸ್ನೇಹಿತರ ಕುಟುಂಬ ಕೋವಿಡ್ ಸಂಕಷ್ಟದಲ್ಲಿದ್ದ ಹಿನ್ನೆಲೆ ನೊಯ್ಡಾಗೆ ತೆರಳಿ ವೈದ್ಯಕೀಯ ಆಮ್ಲಜನಕ ಪೂರೈಕೆ ಮಾಡಿದ್ದಾರೆ. ಆಕ್ಸಿಜನ್ ಸಿಲಿಂಡರ್ ಹಿಡಿದು 24 ಗಂಟೆಗಳ ಪ್ರಯಾಣದ ಮೂಲಕ 3 ರಾಜ್ಯಗಳನ್ನ ದಾಟಿ 1400 ಕಿಲೋಮೀಟರ್ ಕ್ರಮಿಸಿ ಆಕ್ಸಿಜನ್ ಸಿಲಿಂಡರ್ ನೀಡಿದ್ದಾರೆ.
ಸೆಕ್ಟರ್ 4ರ ನಿವಾಸಿಯಾಗಿರುವ ದೇವೇಂದ್ರ ಮಧ್ಯಾಹ್ನ1.30 ರ ಸುಮಾರಿಗೆ ತಮ್ಮ ಕಾರಿನಲ್ಲಿ ಪ್ರಯಾಣ ಬೆಳೆಸಿದ್ದಾರೆ. ತಮ್ಮ ಸ್ನೇಹಿತ ರಂಜನ್ ಅಗರ್ಬಾಲ್ ಪೋಷಕರು ಆಕ್ಸಿಜನ್ ಅಭಾವ ಹೊಂದಿರೋದು ಗಮನಕ್ಕೆ ಬಂದ ಹಿನ್ನೆಲೆ ಊರೆಲ್ಲ ಸುತ್ತಾಡಿ ಕೊನೆಗೂ 10000 ರೂಪಾಯಿ ಪಾವತಿಸಿ ಆಕ್ಸಿಜನ್ ಸಿಲಿಂಡರ್ ಪಡೆಯುವಲ್ಲಿ ಯಶಸ್ವಿಯಾದ್ರು. ಉತ್ತರ ಪ್ರದೇಶ ಹಾಗೂ ಬಿಹಾರ ಪೊಲೀಸರಿಗೆ ಪರಿಸ್ಥಿತಿಯ ಮನವರಿಕೆ ಮಾಡಿಸಿ ಕೊನೆಗೂ ಆಕ್ಸಿಜನ್ನ್ನು ಸ್ನೇಹಿತನ ಪೋಷಕರಿಗೆ ಒದಗಿಸಿ ಚಿಕಿತ್ಸೆಗೆ ನೆರವಾಗಿದ್ದಾರೆ.
Loading ...