ಕೊರೊನಾ ಲಸಿಕೆಗೆ ನೋಂದಾಯಿಸಿಕೊಳ್ಳಿ ಎಂದು ಕರೆ ಬಂದಿದ್ಯಾ..? ಹಾಗಾದ್ರೆ ನಿಮಗಿರಲಿ ಎಚ್ಚರ

ಸೈಬರ್​ ಕ್ರಿಮಿನಲ್​ಗಳು ಇದೀಗ ಜನರನ್ನ ವಂಚಿಸೋಕೆ ಕೊರೊನಾ ಲಸಿಕೆಯನ್ನ ಬಂಡವಾಳವಾಗಿ ಉಪಯೋಗಿಸಿಕೊಳ್ತಿದ್ದಾರೆ ಎಂಬ ಆಘಾತಕಾರಿ ಅಂಶ ಬೆಳಕಿಗೆ ಬಂದಿದೆ. ಕೊರೊನಾ ಲಸಿಕೆ ನೆಪವೊಡ್ಡಿ ಸೈಬರ್​ ಕ್ರಿಮಿನಲ್​ಗಳು ಕಾಲ್​ ಮಾಡಿದ್ದಾರೆಂದು ಆರೋಪಿಸಿದ ಭೂಪಾಲ್​ ಸೈಬರ್​ ಸೆಲ್​ನಲ್ಲಿ ಡಜನ್​ಗೂ ಹೆಚ್ಚು ದೂರುಗಳು ದಾಖಲಾಗಿವೆ.

ಟಾರ್ಗೆಟ್​ ಮಾಡಿದ ನಂಬರ್​ಗೆ ಕಾಲ್ ಮಾಡುವ ಸೈಬರ್ ಕ್ರಿಮಿಗಳು ಕೊರೊನಾ ಲಸಿಕೆಗೆ ನೋಂದಾವಣಿ ಮಾಡುವಂತೆ ಹೇಳುತ್ತಾರೆ. ಬಳಿಕ ಬ್ಯಾಂಕ್​ ಡಿಟೇಲ್ಸ್ ಪಡೆದು ಹಣವನ್ನ ತಮ್ಮ ಖಾತೆಗೆ ವರ್ಗಾವಣೆ ಮಾಡಿಕೊಳ್ಳುತ್ತಿದ್ದಾರೆ ಅಂತಾ ಎಎಸ್​ಪಿ ರಜತ್​ ಸಾಕ್ಲೆಚಾ ಹೇಳಿದ್ದಾರೆ. ಅದೃಷ್ಟವಶಾತ್​ ದೂರು ದಾಖಲಿಸಿದ ಯಾವೊಬ್ಬ ವ್ಯಕ್ತಿಯೂ ಇದುವರೆಗೆ ಹಣವನ್ನ ಕಳೆದುಕೊಂಡಿಲ್ಲ ಎಂದು ಅಧಿಕಾರಿ ಹೇಳಿದರು.

ಈ ಸಂಬಂಧ ಅಲರ್ಟ್ ಆಗಿರುವ ಭೂಪಾಲ್​ ಪೊಲೀಸರು ಈ ರೀತಿಯ ಯಾವುದೇ ಕರೆಯನ್ನ ನಂಬದಂತೆ ಹಾಗೂ ಈ ರೀತಿ ಕರೆ ಮಾಡಿದ ವ್ಯಕ್ತಿ ನೀಡಿದ ಯಾವುದೇ ಲಿಂಕ್​ಗಳನ್ನ ಓಪನ್​ ಮಾಡಬೇಡಿ ಎಂದು ಜನತೆಯನ್ನ ಮನವಿ ಮಾಡಿದ್ದಾರೆ‌.