ಹಾವುಗಳೆರಡು ಕಚ್ಚಾಡುತ್ತಿರುವ ವಿಡಿಯೋವೊಂದನ್ನು ಭಾರತೀಯ ಅರಣ್ಯ ಸೇವೆ ಅಧಿಕಾರಿ ಸುಶಾಂತಾ ನಂದಾ ಶೇರ್ ಮಾಡಿಕೊಂಡಿದ್ದು, ಅದೀಗ ವೈರಲ್ ಆಗಿದೆ. ಈ ಹಾವುಗಳು ಒಂದಕ್ಕೊಂದು ನುಲಿದುಕೊಂಡು ಕಚ್ಚಾಡುತ್ತಿರುವುದನ್ನು ಕಾಣಬಹುದಾಗಿದೆ.
ಈ ಹಾವುಗಳು ಮೇಲುನೋಟಕ್ಕೆ ಸರಸವಾಡುವಂತೆ ಕಾಣುತ್ತಿದ್ದರೂ ಸಹ, ಕಥೆ ಬೇರೆಯದ್ದೇ ಇದೆ. “ತಮ್ಮ ತಮ್ಮ ಪ್ರದೇಶಗಳನ್ನು ಗುರುತು ಮಾಡಿಕೊಂಡು, ಹೆಣ್ಣು ಸಂಗಾತಿಗಾಗಿ ಈ ಎರಡು ಹಾವುಗಳು ಕಚ್ಚಾಡುತ್ತಿವೆ” ಎಂದು ಈ ಅಧಿಕಾರಿ ಪೋಸ್ಟ್ ಮಾಡಿದ್ದಾರೆ.
ಸಾಮಾಜಿಕ ಜಾಲತಾಣಗಳಲ್ಲಿ ಹಾವುಗಳ ವಿಡಿಯೋಗಳು ಬಹಳ ಬೇಗ ವೈರಲ್ ಆಗಿಬಿಡುತ್ತವೆ. ಹಾಗೇ ಈ ವಿಡಿಯೋ ಸಹ ಹೆಚ್ಚು ವೀವ್ಸ್ಗಳನ್ನು ಪಡೆದುಕೊಳ್ಳಲು ಜಾಸ್ತಿ ಸಮಯ ಹಿಡಿಯಲಿಲ್ಲ.