ಹುಲಿಗೆ ದನದ ಮಾಂಸ ನೀಡಲು ಹಿಂದೂ ಮುಖಂಡನ ವಿರೋಧ

ಅಸ್ಸಾಂ ರಾಜ್ಯ ದ ಗುವಾಹಟಿಯ ಝೂನಲ್ಲಿ ಹುಲಿಗಳಿಗೆ ದನದ ಮಾಂಸ ನೀಡೋದನ್ನ ವಿರೋಧಿಸಿ ಹಿಂದೂ ಪರ ಸಂಘಟನೆಗಳು ಸೋಮವಾರ ಪ್ರತಿಭಟನೆ ನಡೆಸಿವೆ.

ಝೂಗೆ ಮಾಂಸವನ್ನ ಸಾಗಿಸ್ತಾ ಇದ್ದ ವಾಹನಗಳನ್ನ ತಡೆಹಿಡಿದಿದ್ದು ಮಾತ್ರವಲ್ಲದೇ ಮೃಗಾಲಯ ಮುಂಭಾಗದ ರಸ್ತೆಯನ್ನ ಬ್ಲಾಕ್​ ಮಾಡುವ ಮೂಲಕ ತಮ್ಮ ಆಕ್ರೋಶ ಹೊರಹಾಕಿದ್ರು.

ಈ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ ಡಿಎಫ್​ಓ ತೇಜಸ್​ ಮರಿಸ್ವಾಮಿ, ಪ್ರತಿಭಟನಾಕಾರರು ಪ್ರಾಣಿಗಳಿಗೆ ನೀಡಲಾಗ್ತಿದ್ದ ಮಾಂಸವನ್ನ ಸಾಗಿಸುವ ಗಾಡಿಯನ್ನ ತಡೆಹಿಡಿದಿದ್ರು. ನಾವು ಕೂಡಲೇ ಪೊಲೀಸರಿಗೆ ಮಾಹಿತಿ ರವಾನಿಸಿದ್ದು ಪೊಲೀಸರು ಪರಿಸ್ಥಿತಿ ತಿಳಿಗೊಳಿಸಿದ್ದಾರೆ. ಪೊಲೀಸರ ಆಗಮನದಿಂದಾಗಿ ಮೃಗಾಲಯದ ಪ್ರಾಣಿಗಳಿಗೆ ನೀಡಲಾಗೋ ಆಹಾರದಲ್ಲಿ ಯಾವುದೇ ವ್ಯತ್ಯಯ ಉಂಟಾಗಿಲ್ಲ ಅಂತಾ ಹೇಳಿದ್ರು.

1957ರಲ್ಲಿ ಆರಂಭಗೊಂಡ ಈ ಮೃಗಾಲಯ ಗುವಾಹಟಿಯ ಹೆಂಗ್ರಬರಿ ಸಂರಕ್ಷಿತ ಅರಣ್ಯ ಪ್ರದೇಶದ 175 ಹೆಕ್ಟೇರ್​ ಜಾಗವನ್ನ ಹೊಂದಿದೆ. 1,040 ಬಗೆಯ ಕಾಡು ಪ್ರಾಣಿಗಳು ಹಾಗೂ ಪಕ್ಷಿಗಳನ್ನ ಹೊಂದಿರುವ ಈ ಮೃಗಾಲಯ ಈಶಾನ್ಯ ರಾಜ್ಯಗಳ ಪೈಕಿ ಅತಿ ದೊಡ್ಡ ಮೃಗಾಲಯವಾಗಿದೆ.