ಮುಂಬೈ ಮೂಲದ ಉದ್ಯಮಿ ಕಿಶೋರ್ ಫೊಗ್ಲಾ ಎಂಬವರು ಪ್ರಸ್ತುತ ನಡೆಯುತ್ತಿರುವ ಮಾಘ ಮೇಳಕ್ಕೆ ಅನುಕೂಲವಾಗುವಂತ ಧಾರ್ಮಿಕ ಅಪ್ಲಿಕೇಶನ್ ಒಂದನ್ನ ಅಭಿವೃದ್ಧಿ ಪಡಿಸಿದ್ದಾರೆ. ಸಾಂಕ್ರಾಮಿಕ ರೋಗದ ಭೀತಿ ನಡುವೆಯೂ ತೀರ್ಥಯಾತ್ರೆ ಮಾಡುವವರಿಗೆ ಈ ಮೊಬೈಲ್ ಅಪ್ಲಿಕೇಶನ್ ಸಹಕಾರಿಯಾಗಲಿದೆ.
ಭಗವಾನ್ ಜಿ ಎಂಬ ಹೆಸರಿನ ಅಪ್ಲಿಕೇಶನ್ ಹಿಂದೂ ಧರ್ಮದ ಬಗ್ಗೆ ಸಾಕಷ್ಟು ಮಾಹಿತಿ ನೀಡುತ್ತದೆ. ಧರ್ಮ – ಕರ್ಮ, ಪೂಜೆ, ವೃತ, ಹಬ್ಬ, ಈ ಎಲ್ಲದರ ಬಗ್ಗೆ ಈ ಅಪ್ಲಿಕೇಶನ್ನಲ್ಲಿ ಮಾಹಿತಿ ಲಭ್ಯವಿದೆ. ಈ ಅಪ್ಲಿಕೇಶನ್ ಮೂಲಕ ಪೂಜೆಯನ್ನೂ ಆನ್ಲೈನ್ನಲ್ಲೇ ಬುಕ್ ಮಾಡಬಹುದಾಗಿದೆ.
ಪವಿತ್ರ ನಗರಗಳಾದ ದಿಯೋಘರ್, ವೃಂದಾವನ್, ವಾರಣಾಸಿ, ಪ್ರಯಾಗ್ರಾಜ್, ಹರಿದ್ವಾರ, ಉಜ್ಜಯಿನಿ, ಹೃಷಿಕೇಶ ಹಾಗೂ ಅಯೋಧ್ಯೆಯ ಬಗ್ಗೆ ಈ ಅಪ್ಲಿಕೇಶನ್ನಲ್ಲಿ ಮಾಹಿತಿ ಲಭ್ಯವಿದೆ. ಭಗವಾನ್ ಜಿ ಅಪ್ಲಿಕೇಶನ್ ದೇಶಾದ್ಯಂತ ಧಾರ್ಮಿಕ ತಾಣಗಳ ಬಗ್ಗೆ ಮಾಹಿತಿ ನೀಡಲಿದ್ದು, ಪೂಜೆ ಸೇರಿದಂತೆ ವಿವಿಧ ದೇವರ ಸೇವೆಗೆ ಆನ್ಲೈನ್ ಹಾಗೂ ಆಫ್ಲೈನ್ನಲ್ಲಿ ಬುಕ್ಕಿಂಗ್ ಮಾಡಲು ಅನುಕೂಲಕಾರಿಯಾಗಿದೆ. ವಿಐಪಿ ಪಾಸ್, ಪ್ರಸಾದ, ಮಾರ್ಗದರ್ಶಿ ಪ್ರವಾಸ ಹೀಗೆ ಸಾಕಷ್ಟು ಆಯ್ಕೆಗಳು ಈ ಅಪ್ಲಿಕೇಶನ್ನಲ್ಲಿ ಲಭ್ಯವಿದೆ.
Loading ...