ಕೊರೊನಾ ಎರಡನೇ ಅಲೆಯ ವಿರುದ್ಧ ಇಡೀ ದೇಶವೇ ಹೋರಾಡುತ್ತಿದೆ. ಇದೇ ವಿಚಾರಕ್ಕೆ ಸಂಬಂಧಿಸಿ ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಕೋಕೋ ಕೊಲಾದ ವೈರಲ್ ಜಾಹೀರಾತನ್ನ ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ.
ಈ ಮೂಲಕ ಜನರಲ್ಲಿ ಭರವಸೆ ಹಾಗೂ ಸಕಾರಾತ್ಮಕ ಭಾವ ಮೂಡಿಸಲು ಯತ್ನಿಸಿದ್ದಾರೆ. ಈ ಜಾಹೀರಾತನ್ನ ಕಳೆದ ವರ್ಷ ಕೊಕೊ ಕೋಲಾ ಪ್ರಕಟಿಸಿತ್ತು.
ಇದೀಗ ದೇಶದಲ್ಲಿ ಮತ್ತೊಮ್ಮೆ ಕೊರೊನಾದ ಆರ್ಭಟ ಜೋರಾಗಿರುವ ಹಿನ್ನೆಲೆ ಆನಂದ್ ಮಹೀಂದ್ರಾ ಈ ಜಾಹೀರಾತನ್ನ ಮತ್ತೊಮ್ಮೆ ಜ್ಞಾಪಿಸಿದ್ದಾರೆ. ಈ ವಿಡಿಯೋದಲ್ಲಿ ಕೊರೊನಾ ಸಂದರ್ಭದಲ್ಲಿ ಶಿಕ್ಷಕರು, ಡೆಲಿವರಿ ಬಾಯ್ಸ್, ಆರೋಗ್ಯ ಸಿಬ್ಬಂದಿ, ಜನರು ಇವರ ಜೀವನವೆಲ್ಲ ಹೇಗೆ ಬದಲಾಗಿದೆ ಎಂಬುದನ್ನ ತೋರಿಸಲಾಗಿದೆ.
ಈ ವಿಡಿಯೋವನ್ನ ಶೇರ್ ಮಾಡಿರುವ ಆನಂದ್ ಮಹೀಂದ್ರಾ, ಆಶಾವಾದ – ನಾವೆಲ್ಲರೂ ಸೇರಬೇಕಾಗಿರೋದು ಇದೇ ಸಾರ್ವತ್ರಿಕ ಧರ್ಮಕ್ಕೆ. ಧನ್ಯವಾದ ಕೊಕೊ ಕೋಲಾ ಎಂದು ಬರೆದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.
Loading ...