ಸಾಲುಸಾಲಾಗಿ ಬಂದ್ವು 10 ಕ್ಕೂ ಅಧಿಕ ಸಿಂಹಗಳು

ಸಿಂಹಗಳ ಗುಂಪೊಂದು ನೀರು ಕುಡಿಯಲು ಬಂದ ಅಪರೂಪದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿದೆ.‌

ಗಂಭೀರ ನಡಿಗೆಯಲ್ಲಿ ಬರುವ ಐದು ಸಿಂಹಗಳ ಹಿಂದೆ‌ 10 ಕ್ಕೂ ಹೆಚ್ಚು ಮರಿಗಳು ಬಂದು ಹಳ್ಳದಲ್ಲಿ ನೀರು ಕುಡಿದು ಅದೇ ಹಳ್ಳವನ್ನು ದಾಟಿ ಹೋಗುತ್ತವೆ.

ವಿಶ್ವ ಸಿಂಹ ದಿನದ ಅಂಗವಾಗಿ ಐಎಫ್ಎಸ್ ಅಧಿಕಾರಿ ಪರ್ವೀನ್ ಕಾಸ್ವಾನ್ ಆ.9 ರಂದು ವಿಡಿಯೋ ಶೇರ್ ಮಾಡಿದ್ದಾರೆ.

“ಸಿಂಹಗಳ ಈ ಸಂಭ್ರಮ ನೀವು ಯಾವಾಗಲಾದರೂ ನೋಡಿದ್ದೀರಾ..?” ಎಂದು ಅವರು ಕ್ಯಾಪ್ಶನ್ ನೀಡಿದ್ದಾರೆ.
ಗುಜರಾತ್ ನ ಗಿರ್ ರಾಷ್ಟ್ರೀಯ ಉದ್ಯಾನದ ವಿಡಿಯೋ ಇದಾಗಿದೆ.‌

ಅಮೆರಿಕದಲ್ಲಿ ನೆಲೆಸಿರುವ ಭಾರತೀಯನೊಬ್ಬ “ಗುಜರಾತ್ ಗಿರ್ ನಂಥ ವನ್ಯಜೀವಿಧಾಮ‌ದಲ್ಲಿ ಹೊಂದಿರುವ ನಾವೇ ಧನ್ಯ” ಎಂದು ಪ್ರತಿಕ್ರಿಯಿಸಿದ್ದಾರೆ. ಸಿಂಹಗಳ ವಿಡಿಯೋವನ್ನು ಒಂದೂವರೆ ಲಕ್ಷ ಜನ ವೀಕ್ಷಿಸಿದ್ದು, 2.7 ಸಾವಿರ ಜನ ರೀ ಟ್ವೀಟ್ ಮಾಡಿದ್ದಾರೆ. 15 ಲಕ್ಷಕ್ಕೂ ಅಧಿಕ ಜನ ಇಷ್ಟಪಟ್ಟಿದ್ದಾರೆ.‌