98 ವರ್ಷದ ವೃದ್ದೆ ಕಾರ್ಯಕ್ಕೆ ಸಿಎಂ ಕೂಡಾ ಫಿದಾ

ಮೊಂಗಾ ನಗರದ ಗುರುದೇವ ಕೌರ್ ದಿನಕ್ಕೆ 8 ತಾಸು ಮಾಸ್ಕ್ ಹೊಲಿಯುವುದರಲ್ಲಿ ನಿರತರಾಗಿದ್ದಾರೆ. ಅವರ ಮೊಮ್ಮಕ್ಕಳು ಅವರಿಗೆ ಸಹಾಯ ಮಾಡುತ್ತಾರೆ.

“ದಾನ ಮಾಡುವುದು ನಮಗೆ ಇಷ್ಟ. ಅದಕ್ಕಾಗಿ ಈ ಕಾರ್ಯದಲ್ಲಿ ತೊಡಗಿದ್ದೇನೆ.‌ ಮನೆಯಲ್ಲೇ ಇರಿ ಎಂದು ಸರ್ಕಾರ ಹೇಳುತ್ತದೆ. ನಾನು ಅದನ್ನು ಪಾಲಿಸುತ್ತಿದ್ದೇನೆ. ನನಗೆ ಒಂದು ಕಣ್ಣಿನ ದೃಷ್ಟಿ ಇಲ್ಲ. 25 ವರ್ಷದ ಹಿಂದೆ ಇನ್ನೊಂದು ಕಣ್ಣಿಗೆ ಕ್ಯಾಟರ್ಯಾಕ್ಟ್ ಶಸ್ತ್ರ ಚಿಕಿತ್ಸೆಯಾಗಿತ್ತು. ಆದರೂ ಆ ಕಣ್ಣು ಚೆನ್ನಾಗಿ ಕಾಣುತ್ತದೆ” ಎಂದು ಗುರುದೇವ ಕೌರ್ ಹೇಳುತ್ತಾರೆ‌.

ಪಂಜಾಬ್ ಮುಖ್ಯಮಂತ್ರಿ ಕ್ಯಾಪ್ಟನ್‌ ಅಮರೀಂದರ್ ಸಿಂ‌ಗ್, ಕೌರ್ ಅವರ ಕಾರ್ಯವನ್ನು ಶ್ಲಾಘಿಸಿದ್ದು, ಪಂಜಾಬ್ ನ ಅತಿ ಗಟ್ಟಿಯಾದ ಕರೋನಾ ವಾರಿಯರ್ ಎಂದು ಬಣ್ಣಿಸಿದ್ದಾರೆ.‌ ಇಂಥ ನಿಸ್ವಾರ್ಥ ಸೇವೆಯಿಂದ ಪಂಜಾಬ್ ಕರೋನಾ ಎದುರಿಸಲು ಸಮರ್ಥವಾಗಲಿದೆ ಎಂದಿದ್ದಾರೆ.‌