ಹಿರಿಯ ನಾಗರಿಕರಿಗಾಗಿ ಪರಿಚಯಿಸಲಾಗಿರುವ ‘ವಯೋ ವಂದನಾ’ ಯೋಜನೆ ಕುರಿತು ಇಲ್ಲಿದೆ ಮಾಹಿತಿ

60 ವರ್ಷ ಮೇಲ್ಪಟ್ಟ ಹಿರಿಯರಿಗಾಗಿ ‘ಪ್ರಧಾನಮಂತ್ರಿ ವಯೋ ವಂದನ’ ಯೋಜನೆಯನ್ನು ಕೇಂದ್ರ ಸರ್ಕಾರ ಪರಿಚಯಿಸಿದ್ದು, ಪರಿಷ್ಕೃತ ಪಿಂಚಣಿ ದರದೊಂದಿಗೆ ಅನುಷ್ಠಾನಗೊಂಡಿರುವ ಈ ಯೋಜನೆ ಭಾರತೀಯ ಜೀವ ವಿಮಾ ನಿಗಮದಿಂದ ನಿರ್ವಹಿಸಲ್ಪಡುತ್ತಿದೆ.

2020ರ ಮೇ 26ರಿಂದ 2023ರ ಮಾರ್ಚ್ 31ರವರೆಗೆ ಯೋಜನೆಯ ಪಾಲಿಸಿಗಳು ಮಾರಾಟಕ್ಕೆ ಲಭ್ಯವಿದ್ದು, ನೇರವಾಗಿ ಅಥವಾ ಭಾರತೀಯ ಜೀವವಿಮಾ ನಿಗಮದ ವೆಬ್ಸೈಟ್ ಮೂಲಕ ಆನ್ಲೈನ್ನಲ್ಲಿಯೂ ಖರೀದಿಸಬಹುದಾಗಿದೆ.

ಯೋಜನೆಯಡಿ ಖರೀದಿಸುವ ಪಾಲಿಸಿಗಳ ಒಟ್ಟು ಮೌಲ್ಯ 15ಲಕ್ಷ ರೂ. ಮೀರದಂತಿರಬೇಕಾಗಿದ್ದು, ಮಾಸಿಕ ಗರಿಷ್ಠ 9,250 ರೂಪಾಯಿ ಪಿಂಚಣಿ ಪಡೆಯಬಹುದಾಗಿದೆ. ಪಾಲಿಸಿ ಅವಧಿಯಲ್ಲಿ ಪಿಂಚಣಿದಾರ ಮೃತಪಟ್ಟರೆ ನಾಮಿನಿ ಅಥವಾ ಉತ್ತರಾಧಿಕಾರಿಗೆ ಹಣ ಪಾವತಿಸಲಾಗುತ್ತದೆ. ಹೆಚ್ಚಿನ ಮಾಹಿತಿಗಾಗಿ ಸಮೀಪದ ಭಾರತೀಯ ಜೀವವಿಮಾ ನಿಗಮದ ಕಚೇರಿಗೆ ಭೇಟಿ ನೀಡಬಹುದಾಗಿದೆ.