ಊರು ತಲುಪಿರುವ ವಲಸೆ ಕಾರ್ಮಿಕರು ಮನೇಗ್ರಾ ಕೆಲಸಕ್ಕೆ ಸೇರುವ ವೇಳೆ ಆರೋಗ್ಯ ತಪಾಸಣೆ ಕಡ್ಡಾಯವಾಗಲಿದೆ. ಒಂದೇ ರಾಷ್ಟ್ರ, ಏಕ ವೇತನ ಜಾರಿಗೆ ಬರಲಿದೆ. ಮನೆಗ್ರಾಗೆ 10 ಸಾವಿರ ಕೋಟಿ ರೂ. ಖರ್ಚಾಗಿದೆ ಎಂದು ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ.
ಕನಿಷ್ಠ 10 ಜನ ಕಾರ್ಮಿಕರಿರುವಲ್ಲಿ ಇಎಸ್ ಐಸಿ ಸೌಲಭ್ಯ ವಿಸ್ತರಣೆಯಾಗಲಿದೆ. ವಲಸೆ ಕಾರ್ಮಿಕರಿಗೆ ಕನಿಷ್ಠ ವೇತನ ಕಾನೂನು ಜಾರಿಗೆ ಬರಲಿದೆ ಎಂದಿದ್ದಾರೆ. ಹಾಗೆ ಅಗತ್ಯವಿದ್ರೆ ಮನೆಗ್ರಾಗೆ ಇನ್ನಷ್ಟು ಅನುದಾನ ನೀಡುವುದಾಗಿ ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ.
ಉದ್ಯೋಗ ಕಳೆದುಕೊಂಡವರಿಗೆ ಸರ್ಕಾರದಿಂದ ಮರು ಕೌಶಲ್ಯ ತರಬೇತಿ ನಡೆಯಲಿದೆ. ಮಹಿಳೆಯರ ರಾತ್ರಿ ಪಾಳಿ ಬಗ್ಗೆ ಸೂಕ್ತ ಕಾನೂನು ಜಾರಿಗೆ ತರಲಾಗುವುದು ಎಂದು ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ.