ಆದಾಯ ತೆರಿಗೆ ರಿಟರ್ನ್ ಫಾರ್ಮ್‌ ಪ್ರಕಟ: ಇಲ್ಲಿದೆ ಮಾಹಿತಿ

ನವದೆಹಲಿ: ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿ (CBDT) 2023-24 ರ ವರ್ಷಕ್ಕೆ ಆದಾಯ ತೆರಿಗೆ ರಿಟರ್ನ್ ಫಾರ್ಮ್‌ಗಳನ್ನು (ITR ಫಾರ್ಮ್‌) ಪ್ರಕಟಿಸಿದೆ.

ಈ ಐಟಿಆರ್ ಫಾರ್ಮ್‌ಗಳು ಏಪ್ರಿಲ್ 1 ರಿಂದ ಜಾರಿಗೆ ಬರಲಿವೆ. ತೆರಿಗೆದಾರರಿಗೆ ಅನುಕೂಲವಾಗುವಂತೆ ಮತ್ತು ಸಲ್ಲಿಕೆಯನ್ನು ಸುಲಭಗೊಳಿಸಲು, ಕಳೆದ ವರ್ಷದ ಐಟಿಆರ್ ಫಾರ್ಮ್‌ಗಳಿಗೆ ಹೋಲಿಸಿದರೆ ಐಟಿಆರ್ ಫಾರ್ಮ್‌ಗಳಲ್ಲಿ ಯಾವುದೇ ಮಹತ್ವದ ಬದಲಾವಣೆಗಳನ್ನು ಮಾಡಲಾಗಿಲ್ಲ ಎಂದು ಸಿಬಿಡಿಟಿ ಹೇಳಿಕೆಯಲ್ಲಿ ತಿಳಿಸಿದೆ.

ITR-1 ರಿಂದ ITR-4 ಸರಳವಾದ ರೂಪಗಳಾಗಿವೆ, ಐಟಿಆರ್-1 ಫಾರ್ಮನ್ನು 50 ಲಕ್ಷದವರೆಗೆ ಆದಾಯ ಹೊಂದಿರುವ ಮತ್ತು ವೇತನ, ಮನೆ ಆಸ್ತಿ ಮತ್ತು ಇತರ ಮೂಲಗಳಿಂದ (ಬಡ್ಡಿ, ಇತ್ಯಾದಿ) ಆದಾಯವನ್ನು ಪಡೆಯುವ ವ್ಯಕ್ತಿ ಭರ್ತಿ ಮಾಡಬೇಕು.

ITR-4 ಅನ್ನು ಹಿಂದೂ ಅವಿಭಜಿತ ಕುಟುಂಬಗಳು (HUF ಗಳು) ಮತ್ತು ಒಟ್ಟು 50 ಲಕ್ಷ ರೂಪಾಯಿವರೆಗಿನ ಆದಾಯ ಮತ್ತು ವ್ಯಾಪಾರ ಮತ್ತು ವೃತ್ತಿಯಿಂದ ಆದಾಯ ಹೊಂದಿರುವ ಸಂಸ್ಥೆಗಳು ಸಲ್ಲಿಸಬಹುದು.

ITR-2 ಅನ್ನು ವಸತಿ ಆಸ್ತಿಯಿಂದ ಆದಾಯ ಹೊಂದಿರುವ ಜನರು ಸಲ್ಲಿಸಿದರೆ, ITR-3ನ್ನು ವೃತ್ತಿಪರರು ಸಲ್ಲಿಸುತ್ತಾರೆ. ITR-5 ಮತ್ತು ITR-6 ನ್ನು LLP ಗಳು ಮತ್ತು ವ್ಯವಹಾರಗಳು ಸಲ್ಲಿಸುತ್ತವೆ.