ಜುನಾಗರ್ ನಲ್ಲಿ ರೋಪ್ ವೇ ನಡೆಸುತ್ತಿರುವ ಉಷಾ ಬ್ರೇಕೋ ಕಂಪನಿಯು ತನ್ನ ಗ್ರಾಹಕರಿಗೆ ವಿಶಿಷ್ಟ ಆಫರ್ ಒಂದನ್ನು ನೀಡಿದೆ. ನೀರಜ್ ಎಂಬ ಹೆಸರನ್ನು ಹೊಂದಿರುವ ವ್ಯಕ್ತಿಯು ಇಲ್ಲಿ ರೋಪ್ ವೇನಲ್ಲಿ ಉಚಿತವಾಗಿ ಹೋಗಬಹುದಾಗಿದೆ. ಒಲಿಂಪಿಕ್ನಲ್ಲಿ ಚಿನ್ನದ ಪದಕ ಸಂಪಾದಿಸಿದ ನೀರಜ್ ಚೋಪ್ರಾಗೆ ಅಭಿನಂದನೆ ಸಲ್ಲಿಸುವ ಸಲುವಾಗಿ ಉಷಾ ಕಂಪನಿ ಈ ವಿಶೇಷ ಆಫರ್ ನೀಡಿದೆ.
ಅಂದಹಾಗೆ ಈ ಆಫರ್ ಆಗಸ್ಟ್ 20ರವರೆಗೆ ಮಾತ್ರ ಇರಲಿದೆ. ಈ ಅವಧಿಯಲ್ಲಿ ಯಾವುದೇ ನೀರಜ್ ಇಲ್ಲಿ ಉಚಿತ ಪ್ರವಾಸ ಮಾಡಬಹುದು. ಇದು ಮಾತ್ರವಲ್ಲದೇ ಗುಜರಾತ್ನ ಭರೂಚ್ನ ನೇತ್ರಾಂಗ್ ಉಪನಗರದಲ್ಲಿರುವ ಪೆಟ್ರೋಲ್ ಬಂಕ್ ಒಂದು ನೀರಜ್ ಹೆಸರಿನ ಯಾವುದೇ ವ್ಯಕ್ತಿಗೆ 2 ದಿನಗಳ ಕಾಲ ಉಚಿತ ಪೆಟ್ರೋಲ್ ವಿತರಿಸಿದೆ.
ಟೋಕಿಯೋ ಒಲಿಂಪಿಕ್ಸ್ನಲ್ಲಿ ನೀರಜ್ ಚೋಪ್ರಾ ಪುರುಷರ ಜಾವೆಲಿನ್ ಥ್ರೋ ವಿಭಾಗದಲ್ಲಿ ಚಿನ್ನದ ಪದಕ ಸಂಪಾದಿಸಿದ್ದರು. ಸೋಮವಾರ ಟೋಕಿಯೋದಿಂದ ಭಾರತಕ್ಕೆ ಮರಳಿದ ನೀರಜ್ಗೆ ಅದ್ಧೂರಿ ಸ್ವಾಗತ ಕೋರಲಾಗಿದೆ.
ಟ್ರ್ಯಾಕ್ & ಫೀಲ್ಡ್ ವಿಭಾಗದಲ್ಲಿ ಭಾರತವು ಇದೇ ಮೊದಲ ಬಾರಿಗೆ ಚಿನ್ನದ ಪದಕವನ್ನು ಸಂಪಾದಿಸಿದೆ. ಇದೇ ವಿಶೇಷವಾಗಿ ಉಷಾ ಬ್ರೆಂಕೋ ಕಂಪನಿಯು ಈ ವಿಶೇಷ ಆಫರ್ ನೀಡಿದೆ. ಗಿರ್ನಾರ್ ಪ್ರವಾಸಿ ತಾಣದಲ್ಲಿ ಈ ಕಂಪನಿಯು ರೋಪ್ವೇ ಸೇವೆ ನೀಡುತ್ತಿದೆ.
Loading ...