ಕಾರುಗಳನ್ನು ಹೊತ್ತೊಯ್ಯುತ್ತಿದ್ದ ಸೆಮಿ ಟ್ರಕ್ ಗೆ ರೈಲು ಡಿಕ್ಕಿ ಹೊಡೆದಿರುವ ಘಟನೆ ಅಮೆರಿಕದ ಒಕ್ಲಹೊಮಾದ ಥಾಕರ್‌ವಿಲ್ಲೆಯಲ್ಲಿ ನಡೆದಿದೆ. ಮೈ ಜುಮ್ಮೆನ್ಮಿಸುವ ವಿಡಿಯೋ ವೈರಲ್ ಆಗಿದೆ.
ರೈಲ್ರೋಡ್ ಕ್ರಾಸಿಂಗ್‌ನಲ್ಲಿ ಕಾರುಗಳನ್ನು ಸೆಮಿ ಟ್ರಕ್ ವೊಂದು ಸಾಗಿಸುತ್ತಿತ್ತು. ಭಾರಿ ಹೊರೆಯಿಂದಾಗಿ ಟ್ರಕ್ ಗೆ ರೈಲು ಹಳಿಯನ್ನು ದಾಟಲಾಗಿಲ್ಲ. ವಿಡಿಯೋವನ್ನು ಸರಿಯಾಗಿ ಗಮನಿಸಿದರೆ ಒಬ್ಬ ವ್ಯಕ್ತಿಯು ಲೋಕೋಮೋಟಿವ್ ಚಾಲಕನಿಗೆ ಸಿಗ್ನಲ್ ನೀಡಲು ಪ್ರಯತ್ನಿಸುತ್ತಿರುವುದನ್ನು ಕಾಣಬಹುದು. ಆದರೆ, ಇದು ಫಲಪ್ರದವಾಗಿಲ್ಲ. ಅಪಘಾತದ ರಭಸಕ್ಕೆ ಸೆಮಿ ಟ್ರಕ್ ಹಾಗೂ ಕಾರುಗಳು ಹಾರಿ ಹೋಗಿವೆ.
ಲವ್ ಕೌಂಟಿ ಅಗ್ನಿಶಾಮಕ ದಳದವರು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡ ಅಪ್‌ಡೇಟ್ ಪ್ರಕಾರ, ಆಮ್ಟ್ರಾಕ್ ರೈಲಿನಲ್ಲಿದ್ದ ಐವರು ಪ್ರಯಾಣಿಕರು ಗಾಯಗೊಂಡಿದ್ದಾರೆ ಮತ್ತು ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ರೈಲಿನ ಮುಂಭಾಗವು ಕೂಡ ಸ್ವಲ್ಪ ಹಾನಿಗೊಂಡಿದೆ ಎಂದು ಹೇಳಲಾಗಿದೆ.
ಈ ವಿಡಿಯೋ ಹಲವರನ್ನು ಬೆಚ್ಚಿ ಬೀಳಿಸಿದೆ. ಅಪಘಾತದ ತೀವ್ರತೆ ಕಂಡು ಟ್ರಕ್ ಚಾಲಕನೊಂದಿಗೆ ಬಳಕೆದಾರರು ಸಹಾನುಭೂತಿ ವ್ಯಕ್ತಪಡಿಸಿದ್ದಾರೆ.
Loading ...