ದಿನವಿಡೀ ಕೆಲಸ ಮಾಡಿ ದಣಿದ ಬಳಿಕ ರಾತ್ರಿ ರುಚಿಯಾಗಿ ಮನೆಯಲ್ಲಿ ಊಟ ಮಾಡಬೇಕೆಂದು ಎಲ್ಲರೂ ಬಯಸುತ್ತಾರೆ. ಆದರೆ ರಾತ್ರಿ ಭೂರಿ ಭೋಜನ ಮಾಡಬಾರದು ಎನ್ನುತ್ತಾರೆ ತಜ್ಞರು. ರಾತ್ರಿ ಲಘು ಆಹಾರ ಸೇವಿಸಿ, 7 ಗಂಟೆಯೊಳಗೆ ಊಟ ಮುಗಿಸಿ ಅನ್ನೋದು ವೈದ್ಯರ ಸಲಹೆ ಕೂಡ. ಇತ್ತೀಚಿನ ದಿನಗಳಲ್ಲಿ ಅನೇಕರು ತೂಕ ಇಳಿಸಲು ಇಂಟರ್‌ಮಿಟ್ಟೆಂಟ್‌ ಫಾಸ್ಟಿಂಗ್‌ ಮಾಡುತ್ತಿದ್ದಾರೆ. ರಾತ್ರಿ ಊಟವನ್ನು ಸ್ಕಿಪ್‌ ಮಾಡ್ತಿದ್ದಾರೆ. ಈ ರೀತಿ ಮಾಡುವುದರಿಂದ ದೇಹದ ಮೇಲೆ ಅದರ ಪರಿಣಾಮ ಏನಾಗಬಹುದು? ಒಂದು ತಿಂಗಳ ಕಾಲ ನಿರಂತರವಾಗಿ ರಾತ್ರಿಯ ಊಟವನ್ನು ಬಿಟ್ಟರೆ ಫಲಿತಾಂಶ ಹೇಗಿರುತ್ತೆ ಅನ್ನೋದನ್ನು ನೋಡೋಣ.
ಇಂಟರ್‌ಮಿಟ್ಟೆಂಟ್‌ ಫಾಸ್ಟಿಂಗ್‌ ಎಂದರೇನು?
ಪ್ರಸ್ತುತ ದಿನಗಳಲ್ಲಿ ಈ ಫಾಸ್ಟಿಂಗ್‌ ಪ್ರವೃತ್ತಿ ಬಹಳಷ್ಟು ಹೆಚ್ಚಾಗಿದೆ. ಇದನ್ನು ಅನುಸರಿಸುವವರು 12 ರಿಂದ 15 ಗಂಟೆಗಳ ಕಾಲ ಏನನ್ನೂ ತಿನ್ನುವುದಿಲ್ಲ. ಅಂದರೆ ಉಳಿದ ಸಮಯದಲ್ಲಿಯೇ ಊಟವನ್ನು ಮುಗಿಸಬೇಕು. 30 ದಿನಗಳವರೆಗೆ ರಾತ್ರಿಯ ಊಟವನ್ನು ಬಿಟ್ಟುಬಿಡುವ ಮೂಲಕ ಈ ಸವಾಲನ್ನು ಪೂರ್ಣಗೊಳಿಸಬಹುದು.
ಇಂಟರ್‌ಮಿಟ್ಟೆಂಟ್‌ ಫಾಸ್ಟಿಂಗ್‌ನ ಪ್ರಯೋಜನಗಳು…
ತೂಕ ಕ್ರಮೇಣ ಕಡಿಮೆಯಾಗುತ್ತದೆ.
ಮಧುಮೇಹದ ಅಪಾಯ ಕಡಿಮೆಯಾಗುತ್ತದೆ.
ಹೃದಯಾಘಾತದ ಅಪಾಯವಿರುವುದಿಲ್ಲ.
ಕೆಟ್ಟ ಕೊಲೆಸ್ಟ್ರಾಲ್ ರಕ್ತದ ನಾಳಗಳಿಂದ ಕಣ್ಮರೆಯಾಗುತ್ತದೆ.
ಅಧಿಕ ರಕ್ತದೊತ್ತಡದ ಸಮಸ್ಯೆ ಬರುವುದಿಲ್ಲ.
ದೇಹದ ಚಯಾಪಚಯವನ್ನು ಹೆಚ್ಚಿಸುತ್ತದೆ.
ಇಂಟರ್‌ಮಿಟ್ಟೆಂಟ್‌ ಉಪವಾಸದ ಅನಾನುಕೂಲಗಳು…
ಈ ಉಪವಾಸದಿಂದ ಪ್ರಯೋಜನಗಳಿವೆ ಅನ್ನೋದ್ರಲ್ಲಿ ಸಂದೇಹವಿಲ್ಲ. ಆದರೆ ಅದರ ಪರಿಣಾಮ ಎಲ್ಲರ ಮೇಲೂ ಒಂದೇ ರೀತಿಯಾಗಿರುವುದಿಲ್ಲ. ಕೆಲವರು ಅದರಿಂದ ನಷ್ಟವನ್ನು ಸಹ ಅನುಭವಿಸಬೇಕಾಗಬಹುದು.ಭೋಜನವನ್ನು ಬಿಟ್ಟುಬಿಡುವುದರಿಂದ ಮನಸ್ಸಿನ ಮೇಲೆ ನಕಾರಾತ್ಮಕ ಪರಿಣಾಮ ಬೀರಬಹುದು.ಇದು ಕಿರಿಕಿರಿಯನ್ನು ಉಂಟುಮಾಡಬಹುದು.
ರಾತ್ರಿಯ ಊಟವನ್ನು ಬಿಟ್ಟುಬಿಡುವುದರಿಂದ, ರಕ್ತದಲ್ಲಿನ ಸಕ್ಕರೆಯ ಮಟ್ಟವು ಬಹಳಷ್ಟು ಕಡಿಮೆಯಾಗಬಹುದು. ರಾತ್ರಿಯ ಊಟವನ್ನು ಬಿಟ್ಟುಬಿಡುವುದರಿಂದ ದೇಹ ದುರ್ಬಲವಾಗಬಹುದು. ಕೆಲವರಿಗೆ ತಲೆತಿರುಗುವ ಸಾಧ್ಯತೆಯೂ ಇರುತ್ತದೆ. ದೇಹದಲ್ಲಿ ಜೀವಸತ್ವಗಳು, ಖನಿಜಗಳು ಸೇರಿದಂತೆ ಅನೇಕ ಪೋಷಕಾಂಶಗಳ ಕೊರತೆ ಬರಬಹುದು. ಈಗಾಗಲೇ ಅನೇಕ ಆರೋಗ್ಯ ಸಮಸ್ಯೆಗಳನ್ನು ಹೊಂದಿದ್ದರೆ ಈ ಫಾಸ್ಟಿಂಗ್‌ ಮಾಡಬೇಡಿ.
Loading ...