ಜೀವನಶೈಲಿ ಅನಾರೋಗ್ಯದಿಂದ ತಪ್ಪಿಸಿಕೊಳ್ಳಲು ಸೈಕ್ಲಿಂಗ್ ಹೇಗೆ ಪರಿಣಾಮಕಾರಿ….?

ಯಾವುದೇ ಕಾಲದ ಮಕ್ಕಳಿಗೂ ಇಷ್ಟವಾಗುವ ಸಹಜ ವ್ಯಾಯಾಮಗಳಲ್ಲಿ ಒಂದಾದ ಸೈಕ್ಲಿಂಗ್‌ ಇತ್ತೀಚಿನ ದಿನಗಳಲ್ಲೂ ಸಹ ಜನಪ್ರಿಯ ಅಭ್ಯಾಸವಾಗಿದೆ.

ಸುಲಭವಾಗಿ ಮಾಡಬಹುದಾದ ವ್ಯಾಯಾಮವಾದ ಸೈಕ್ಲಿಂಗ್‌ನಿಂದಾಗಿ ನಿಮ್ಮ ಆಯುಷ್ಯವನ್ನು ಇನ್ನಷ್ಟು ವರ್ಷಗಳ ಮಟ್ಟಿಗೆ ವರ್ಧಿಸುವುದು. ಹೇಗೆ ಎಂದಿರಾ?

* ಪ್ರತಿನಿತ್ಯ ಕನಿಷ್ಠ 20-30 ನಿಮಿಷಗಳ ಕಾಲ ಸೈಕ್ಲಿಂಗ್ ಮಾಡುವ ಅಭ್ಯಾಸ ಬೆಳೆಸಿಕೊಂಡರೆ ಹೃದಯದ ಸ್ನಾಯುಗಳು ಬಲಗೊಂಡು, ರಕ್ತ ಪರಿಚಲನೆ ಸುಧಾರಿಸುವುದಲ್ಲದೇ ಸ್ಟ್ರೋಕ್ ಹಾಗೂ ಹೃದಯಾಘಾತದ ಸಾಧ್ಯತೆಗಳನ್ನು 15%ರಷ್ಟು ಕಡಿಮೆ ಮಾಡುತ್ತದೆ.

* ಟೈಪ್ 1, ಟೈ 2 ಅಥವಾ ಜೆಸ್ಟೇಷನ್‌ ವಿಧದ ಡಯಾಬಿಟಿಸ್‌ ಬರುವ ಸಾಧ್ಯತೆ ಜಗತ್ತಿನೆಲ್ಲೆಡೆ ಅಧಿಕವಾಗಿದೆ. ಹೀಗಿರುವಾದ ಪಥ್ಯದಲ್ಲಿ ಸಕ್ಕರೆ ಅಂಶ ಕಡಿಮೆ ಮಾಡುವುದರೊಂದಿಗೆ ಕನಿಷ್ಠ ಐದು ವರ್ಷಗಳ ಮಟ್ಟಿಗೆ ಸೈಕ್ಲಿಂಗ್ ಅಭ್ಯಾಸ ಮಾಡಿಕೊಂಡರೆ ಸಕ್ಕರೆ ಕಾಯಿಲೆಯ ಸಮಸ್ಯೆಗಳಿಂದ ಸಾಯುವ ಸಾಧ್ಯತೆ 35% ಕಡಿಮೆಯಾಗುತ್ತದೆ ಎಂದು ಯೂರೋಪಿಯನ್ ಪ್ರೊಸ್ಪೆಕ್ಟಿವ್‌ ಇಕ್ವೆಸ್ಟಿಗೇಷನ್ ಇಂಟೂ ಕ್ಯಾನ್ಸರ್‌ ಅಂಡ್ ನ್ಯೂಟ್ರಿಷನ್ ಸ್ಟಡಿಯ ಅಧ್ಯಯನವೊಂದು ತಿಳಿಸುತ್ತದೆ.

* ಗಂಟೆಗೆ 20-22 ಕಿಮೀ ವೇಗದಲ್ಲಿ ಅರ್ಧ ಗಂಟೆ ಸೈಕ್ಲಿಂಗ್ ಮಾಡಿದರೆ ಸರಾಸರಿ ವ್ಯಕ್ತಿಯೊಬ್ಬ 298 ಕ್ಯಾಲೊರಿ ಸುಟ್ಟು ಹಾಕಬಹುದು. ಹೀಗಾಗಿ ಸೈಕ್ಲಿಂಗ್‌ನಿಂದ ತೂಕ ಇಳಿಸಲು ಸಹ ನೆರವಾಗುತ್ತದೆ.