ಫ್ಲೋರಿಡಾ: ನಿಯತ್ತು, ನಿಷ್ಠೆ ಎಂದಾಕ್ಷಣ ನೆನಪಿಗೆ ಬರುವುದು ನಾಯಿಯೇ ವಿನಾ ಮನುಷ್ಯನಲ್ಲ. ಮನುಷ್ಯನ ಜೀವನದ ಅವಿಭಾಜ್ಯ ಅಂಗವಾಗಿರುವ ನಾಯಿಗಳು ಎಷ್ಟೋ ಬಾರಿ ತನ್ನ ಪ್ರಾಣವನ್ನೇ ಒತ್ತೆ ಇಟ್ಟು ಮಾಲೀಕನನ್ನು ರಕ್ಷಿಸುವುದಿದೆ. ಅಂಥದ್ದೇ ಒಂದು ವಿಡಿಯೋ ಇದೀಗ ವೈರಲ್ ಆಗಿದ್ದು, ನಾಯಿಯ ನಿಷ್ಠೆಗೆ ಜನರು ಫಿದಾ ಆಗಿದ್ದಾರೆ.
ಆರು ವರ್ಷದ ಬಾಲಕನ ಮೇಲೆ ಎರಡು ನಾಯಿಗಳ ದಾಳಿ ಮಾಡಿದಾಗ ಬಾಲಕನ ಮನೆಯ ಸಾಕು ನಾಯಿ ಆ ನಾಯಿಗಳ ಮೇಲೆ ದಾಳಿ ಮಾಡಿ ಬಾಲಕನನ್ನು ರಕ್ಷಿಸಿರುವ ಘಟನೆ ಇದಾಗಿದೆ.
6 ವರ್ಷದ ಬಾಲಕ ಫ್ಲೋರಿಡಾದಲ್ಲಿ ಟ್ಯಾಂಕ್ ಎಂಬ ಜರ್ಮನ್ ಶೆಫರ್ಡ್ ಜೊತೆ ಆಟವಾಡುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಅವನು ಓಡಿಹೋಗುತ್ತಿದ್ದಂತೆಯೇ ಎರಡು ನಾಯಿಗಳು ಅವನ ಮೇಲೆ ಎರಗಲು ಬರುತ್ತವೆ. ಅಂಥ ಸಂದರ್ಭದಲ್ಲಿ ಟ್ಯಾಂಕ್ ಆ ನಾಯಿಗಳನ್ನು ಓಡಿಸಿ ಮಗುವನ್ನು ರಕ್ಷಿಸಿದೆ.
ಬಾಲಕ ಕಿರುಚಿಕೊಳ್ಳುತ್ತಲೇ ತಾಯಿ ಓಡಿ ಬಂದು ಮಗನನ್ನು ಅಪ್ಪಿಕೊಳ್ಳುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಈ ವಿಡಿಯೋಗೆ ಲಕ್ಷಾಂತರ ಮಂದಿ ಶ್ಲಾಘನೆ ವ್ಯಕ್ತಪಡಿಸಿದ್ದು, ನಾಯಿಯ ನಿಯತ್ತಿನ ಬಗ್ಗೆ ಕೊಂಡಾಡಿದ್ದಾರೆ.
Loading ...