ಅಪ್ಘಾನಿಸ್ತಾನದ ಮಾಜಿ ಅಧಿಕಾರಿಗಳ ಇಮೇಲ್ಗಳನ್ನು ಅಕ್ರಮವಾಗಿ ಪ್ರವೇಶಿಸಲು ಯತ್ನಿಸುತ್ತಿರುವುದು ಗಮನಕ್ಕೆ ಬಂದ ಹಿನ್ನೆಲೆಯಲ್ಲಿ ಗೂಗಲ್ ಸಂಸ್ಥೆಯು ಅಪ್ಘನ್ ಸರ್ಕಾರದ ಕೆಲವು ಇ ಮೇಲ್ ಖಾತೆಗಳನ್ನು ತಾತ್ಕಾಲಿಕವಾಗಿ ಲಾಕ್ ಮಾಡಿದೆ.
ಕೆಲವೊಂದು ಖಾತೆಗಳ ಸುರಕ್ಷತಾ ದೃಷ್ಟಿಯಿಂದ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಶುಕ್ರವಾರ ಗೂಗಲ್ ಸಂಸ್ಥೆ ಮಾಹಿತಿ ನೀಡಿದೆ. ಆದರೆ ಶಾಶ್ವತವಾಗಿ ಇಮೇಲ್ ಖಾತೆಗಳನ್ನು ಲಾಕ್ ಮಾಡೋದ್ರ ಬಗ್ಗೆ ಗೂಗಲ್ ಯಾವುದೇ ಮಾಹಿತಿ ನೀಡಿಲ್ಲ.
ತಜ್ಞರ ಸಹಾಯದಿಂದ ನಾವು ಅಪ್ಘಾನಿಸ್ತಾನದ ಪರಿಸ್ಥಿತಿಯ ಮೇಲೆ ಸದಾ ಕಣ್ಣಿಡುತ್ತಿದ್ದೇವೆ. ಕೆಲವೊಂದು ಖಾತೆಗಳನ್ನು ರಕ್ಷಿಸುವ ದೃಷ್ಟಿಯಿಂದಾಗಿ ನಾವು ಕೆಲ ತಾತ್ಕಾಲಿಕ ಕ್ರಮ ಕೈಗೊಂಡಿದ್ದೇವೆ ಎಂದು ಗೂಗಲ್ ವಕ್ತಾರ ಹೇಳಿಕೆ ನೀಡಿದ್ದಾರೆ.
2 ಡಜನ್ಗೂ ಅಧಿಕ ಅಧಿಕಾರಿಗಳು, ಹಣಕಾಸು, ಕೈಗಾರಿಕೆ, ಉನ್ನತ ಶಿಕ್ಷಣ, ಗಣಿ ಇಲಾಖೆ ಸಚಿವಾಲಯಗಳಲ್ಲಿ ಅಧಿಕೃತ ಸಂವಹನಕ್ಕೆ ಗೂಗಲ್ನ್ನು ಬಳಸಲಾಗಿದೆ. ತಾಲಿಬಾನಿಗಳು ಜುಲೈ ತಿಂಗಳಲ್ಲಿ ಸಚಿವಾಲಯದ ಮಾಹಿತಿಯನ್ನು ಸೇವ್ ಮಾಡಿಡುವಂತೆ ಹೇಳಿದ್ದರು ಎಂದು ಹಿಂದಿನ ಸರ್ಕಾರದ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ನಾನು ಈ ರೀತಿ ಮಾಡಿದ್ದರೆ ಅವರಿಗೆ ಹಿಂದಿನ ಸರ್ಕಾರದಲ್ಲಿ ನಡೆದ ಎಲ್ಲಾ ರಹಸ್ಯ ಮಾಹಿತಿಯನ್ನು ಕಲೆಹಾಕಲು ಆಗುತ್ತಿತ್ತು. ಆದರೆ ನಾನು ತಾಲಿಬಾನಿಗಳ ಮನವಿಗೆ ಸ್ಪಂದಿಸಿಲ್ಲ ಹೀಗಾಗಿ ತಲೆಮರೆಸಿಕೊಂಡಿದ್ದೇನೆ ಎಂದು ಆ ಅಧಿಕಾರಿ ಮಾಹಿತಿ ನೀಡಿದ್ದಾರೆ.
Loading ...